ရန်ကုန် ဇူလိုင် ၃၁
မြန်မာနိုင်ငံ၏ ဦးဆောင်ဆက်သွယ်ရေး အော်ပရေတာဖြစ်သော MPT သည် သုံးစွဲသူများ ပိုမိုအဆင်ပြေစေရန်အတွက် ထူးခြားဆန်းသစ်၍ ရင်ခုန်စိတ်လှုပ်ရှားဖွယ်ရာကောင်းသော ထုတ်ကုန်များနှင့် ဝန်ဆောင်မှုများကို ပေးလျက်ရှိကြောင်းသိရသည်။
MPT ၏ ဒေတာများကို အစဉ်တစိုက် သုံးစွဲသူများ အားလုံးအတွက် အင်တာနက်ဒေတာ Package များ ဝယ်ယူခြင်းဖြင့် ဒေတာနှစ်ဆရရှိနိုင်မည့် “စူပါဒေတာနှစ်ဆ Package” ပရိုမိုးရှင်းအစီအစဉ်ကို စတင် မိတ်ဆက်လိုက်ပြီဖြစ်ကြောင်း ဇူလိုင် ၃၁ ရက် ထုတ်ပြန်ချက်အရသိရသည်။
MPT မှ ဆွေသဟာ/ရှယ်ပြော/ရွှေစကား အစီအစဉ်ရယူထားသော ကြိုတင်ငွေဖြည့်စနစ်သုံးနှင့် အသုံးပြုပြီးမှ ပေးချေသည့်စနစ်သုံး GSM/WCDMA ဝန်ဆောင်မှု ရယူထားသူမျာအားလုံးသည် “Super Double Data Pack” Package များကို ဝယ်ယူနိုင်သည်။ Base Tariff အသုံးပြုသူများသည် ဆွေသဟာ/ရှယ်ပြော/ရွှေစကား အစီအစဉ်များကို ပြောင်းလဲ အသုံးပြုပြီး “Super Double Data Pack” ကို ဝယ်ယူ နိုင်ကြောင်း သိရသည်။
အသုံးပြုသူများအနေဖြင့် Package များဝယ်ယူရာတွင် အကန့်အသတ်မရှိ အကြိမ်အရေအတွက် အများအပြား ဝယ်ယူနိုင်သည်။ Package ၏ မူလဒေတာ သက်တမ်းမှာ ရက် (၃၀) ဖြစ်ပြီး သက်တမ်း ကုန်ဆုံးပြီး (၇) ရက်အတွင်း ဒေတာပက်ကေ့ချ် အသစ်ထပ်မံဝယ်ယူပါက အသုံးပြုရန် ကျန်ရှိနေသော မူလဒေတာ ပမာဏကို ထပ်မံဝယ်ယူသော Package ၏ နောက်ဆုံးသက်တမ်းအထိ ပေါင်းစည်းအသုံးပြုနိုင် ကြောင်းသိရသည်။
“Super Bonus Data” (အထူးအပိုဆောင်းဒေတာ)၏ သက်တမ်းမှာ ၇ ရက် ဖြစ်ပြီး ထိုကာလအတွင်း Package အသစ်ထပ်မံ ဝယ်ယူပါက Super Bonus Data အချင်းချင်း၏ ဒေတာပမာဏကို ပေါင်းစည်း အသုံးပြုနိုင်မည် ဖြစ်သည်။
MPT အသုံးပြုသူများသည် “Super Double-Data Package” ပရိုမိုးရှင်း၏ မူလဒေတာပမာဏ လက်ကျန်များ၊ အထူးအပိုဆောင်းဒေတာများ နှင့် အသုံးပြုခွင့်ရရှိသည့် နောက်ဆုံးသက်တမ်းကို MPT4U App သို့မဟုတ် *224# သို့ ခေါ်ဆို၍စစ်ဆေးသိရှိနိုင်ကြောင်း သိရသည်။
AMH(မြို့တော်သတင်း)