MMA ပြိုင်ပွဲများ ပရိသတ်မပါဘဲ ကွင်းရုံပိတ်ကျင်းပရန် One Championship ဆုံးဖြတ်
ဇူလိုင် ၃၁
One Championship ဟာ ပြန်လည်ကျင်းပမယ့် ကိုယ်ခံပညာသိုင်းပေါင်းစုံအားကစား (MMA) ပြိုင်ပွဲ များကို ဇူလိုင်လကုန်မှ အောက်တိုဘာလကုန်ထိ ပရိသတ်မပါဘဲ ကွင်းရုံပိတ်ကျင်းပသွားမယ်လို့ One Championship စီးအီးအို ချာထရီက လူမှုကွန်ရက်မှတစ်ဆင့်ထုတ်ပြန်ခဲ့ပါတယ်။ One Championship ဟာ Covid -19 ရောဂါကာကွယ်ထိန်းချုပ်ရေးကာလအတွင်း MMA ပြိုင်ပွဲများကို ရပ်နားထားရပြီး ဇူလိုင် ၃၁ မှ စ၍ ပြိုင်ပွဲများပြန်လည်ကျင်းပရန်စီစဉ်ထားပါတယ်။
ဒါပေမယ့် ပြန်လည်ကျင်းပမယ့် MMA ပြိုင်ပွဲများကို ပရိသတ်မပါဘဲ ကျင်းပသွားမည်ဖြစ်ကြောင်း သိရပါတယ်။ “ဇူလိုင် ၃၁ ရက်ကစပြီး အောက်တိုဘာလထိကျင်းပသွားမယ့်ပြိုင်ပွဲတွေကို ပရိသတ်မပါဘဲကွင်းရုံပိတ်ကျင်းပဖို့ ဆုံးဖြတ်ထားပါတယ်။ ဒါပေမယ့် ပရိသတ်တွေအားပေးကြည့်ရှနိုင်ဖို့ ရုပ်သံလိုင်းကနေ တိုက်ရိုက်ထုတ်လွှင့်ပေးမှာဖြစ်ပါတယ်”လို့ ချာထရီကပြောပါတယ်။ One Championship က ပြိုင်ပွဲပေါင်း ၁၀ ပွဲကျင်းပပေးမယ်လို့ထုတ်ပြန်ထားပါတယ်။
(SO)
