ရန်ကုန် ဧပြီ ၁၄ နေပြည်တော်ပြည်ထောင်စုနယ်မြေအပါအဝင် ပြည်နယ်နှင့် တိုင်းဒေသကြီး ၁၅ ခုမှ အခြေခံပြည်သူများ ကို ပေးဝေလှူဒါန်းနိုင်ရန်အတွက် ငွေကျပ်သိန်း ၆၀၀၀ ကျော်တန်ဖိုးရှိ ဆန်အိတ်ပေါင်း ၂၁,၀၀၀ ကို COVID-19 ထိန်းချုပ်ရေးနှင့် အရေးပေါ်တုံ့ပြန်ရေးကော်မတီသို့ ဧပြီ ၁၃ ရက်တွင် ကမ္ဘောဇဘဏ်မှ ပေးအပ်လှူဒါန်းခဲ့ကြောင်း သိရသည်။ ကချင်ပြည်နယ် (ဆန်အိတ် ၁၀၀၀)၊ ကယားပြည်နယ် (ဆန်အိတ် ၁၀၀၀) ၊ ကရင်ပြည်နယ် (ဆန်အိတ် ၁၀၀၀) ၊ ချင်းပြည်နယ် (ဆန်အိတ် ၁၀၀၀) ၊ မွန်ပြည်နယ် (ဆန်အိတ် ၁၀၀၀) ၊ ရခိုင်ပြည်နယ် (ဆန်အိတ် ၁၀၀၀) ၊ ရှမ်းပြည်နယ် (ဆန်အိတ် ၃၀၀၀) ၊ နေပြည်တော်ပြည်ထောင်စုနယ်မြေ (ဆန်အိတ် ၁၀၀၀) ၊ စစ်ကိုင်းတိုင်းဒေသကြီး (ဆန်အိတ် ၁၀၀၀) ၊ မကွေးတိုင်းဒေသကြီး (ဆန်အိတ် ၁၀၀၀) ၊ ပဲခူးတိုင်းဒေသကြီး (ဆန်အိတ် ၁၀၀၀) ၊ ဧရာဝတီတိုင်းဒေသကြီး (ဆန်အိတ် ၁၀၀၀) ၊ တနင်္သာရီတိုင်းဒေသကြီး (ဆန်အိတ် ၁၀၀၀) ၊ မန္တလေးတိုင်းဒေသကြီး (ဆန်အိတ် ၃၀၀၀) နှင့် ရန်ကုန်တိုင်းဒေသကြီး (ဆန်အိတ် ၃၀၀၀) တို့ကို အသီးသီးပေးပို့လှူဒါန်းထားကြောင်း သိရသည်။ ကမ္ဘောဇဘဏ်၊ KBZ MS General Insurance၊ KBZ Life၊ Myanmar Airways International (MAI) နှင့် Air KBZ တို့သည် COVID-19 ကာကွယ်၊ ထိန်းချုပ်၊ ကုသရေးအတွက် ငွေကျပ် ၃၁, ၂၁၄ သိန်း (ကျပ်သိန်းပေါင်း သုံးသောင်း တစ်ထောင်နှစ်ရာတစ်ဆယ့်လေးသိန်း) ကိုလည်း လှူဒါန်းခဲ့ပြီးဖြစ်သည်။ ကျန်းမာရေးနှင့်အားကစားဝန်ကြီးဌာနနှင့်အတူ တစ်နိုင်ငံလုံးအတိုင်းတာဖြင့် လိုအပ်သည့်အချိန်၊ လိုအပ်သည့်နေရာများတွင် လိုအပ်သည်တို့ကို ထပ်မံပူးပေါင်းပါဝင်လှူဒါန်းသွားရန် စီစဉ်ဆောင်ရွက်ထား ကြောင်းကိုလည်း ကမ္ဘောဇဘဏ်မှ ပြောထားသည်။ (WP)