အန္တရာယ်ရှိအပင်များရှင်းလင်း၊ စိမ်းလန်းစိုပြည်ရေးဆောင်ရွက်
ရန်ကုန် ဇူလိုင် ၂၂
မြို့ပြစီမံကိန်းလုပ်ငန်းတာဝန်ခံအဖွဲ့ (မြေယာရှုခင်းနှင့်အားကစားကွင်းများ)မှ လမ်းမတော်မြို့နယ် ဗိုလ်ချုပ်လမ်း၊ သင်္ဃန်းကျွန်းမြို့နယ် သီရိဂုဏ်အိမ်ရာဝင်း၊ တာမွေမြို့နယ် ၁၅၁ လမ်းတို့တွင် ရန်ကုန်လျွှပ်စစ်ဓါတ်အားပေးရေးကော်ပိုရေးရှင်းနှင့်ပူးပေါင်း၍ ဓါတ်အားလိုင်းမလွတ်အပင်များရှင်းလင်းခြင်း၊ အင်းစိန်မြို့နယ် အခြေခံကျန်းမာရေးတက္ကသိုလ်ဝင်းအတွင်းပိတ်ဆို့ပင်များရှင်းလင်းခြင်း၊ ရွှေပြည်သာမြို့နယ် (၉)ရပ်ကွက် မြမာလာလမ်းတွင်အပင်ခြောက်ရှင်းလင်းခြင်း၊ ဗဟန်းမြို့နယ် ဗိုလ်တေဇလမ်း တိုးချဲ့ရာတွင်မလွတ်ကင်းအပင်ရှင်းလင်းခြင်း၊ တာမွေမြို့နယ် အောင်မင်္ဂလာမြို့ပတ်လမ်း ရေမြောင်းမလွတ်အပင်ရှင်းလင်းခြင်း၊ ဒေါပုံမြို့နယ် ယမုံနာ (၁) ရပ်ကွက် လမ်းခင်းရာတွင်မလွတ်ကင်းအပင်ရှင်းလင်းခြင်း၊ လှိုင်မြို့နယ် လှိုင်ရတနာစျေး အုပ်မိုးကိုင်းများရှင်းလင်းခြင်း၊ မရမ်းကုန်းမြို့နယ် မြိုင်ဟေဝန်ပန်းခြံ စိမ်းလန်းစိုပြည်ရေးဆောင်ရွက်ခြင်း၊ လှိုင်သာယာမြို့နယ် ရွှေလင်ပန်းကစားကွင်း ခရေနှင့်မဟော်ဂနီပင်များစိုက်ပျိုးခြင်း၊ မြောက်ဥက္ကလာပမြို့နယ် (ည) ရပ်ကွက် ကစားကွင်းမြက်ရှင်းခြင်းတို့ဆောင်ရွက်ခဲ့ကြောင်းသိရသည်။
သွင်မောင်မောင်
