ပြည်​​ထောင်​စုတိုင်​းရင်​းသား​ကျေးရွာ (ရန်​ကုန်​)တွင် လူမျိုးအလိုက်​ ရိုးရာဟင်​းလျာချက်​ပြုတ်မှု TV Program ရိုက်​ကူးထုတ်​လွင်​့မည်

ရန်ကုန် ဇူလိုင်  ၂၂

 ရန်​ကုန်​တိုင်​း​ဒေသကြီး၊ သာ​ကေတမြို့နယ်​၊ ပြည်​​ထောင်​စုတိုင်​းရင်​းသား​ကျေးရွာ (ရန်​ကုန်​)တွင် ကိုဗစ်​ကာလအတွင်​း တိုင်​းရင်​းသားလူမျိုးများ၏ ရိုးရာစစ်​စစ်​ဟင်​းလျာအမျိုးမျိုးချက်​ပြုတ်​မှု TV Program ကို ရိုက်​ကူးထုတ်​လွင်​့ ရန်​စီစဉ်နေပြီး ကိုဗစ်​ကာလလွန်​​မြောက်​၍ တိုင်​းရင်​းသား​ကျေးရွာဖွင်​့လှစ်​မည်​ဆိုလျှင်​ လာ​ရောက်​လည်​ပတ်​သူများအ​နေဖြင်​့ တိုင်​းရင်​းသားလူမျိုးများ၏ ရိုးရာဝတ်​စုံများဖြင်​့ချက်​ပြုတ်​​နေမှုကို အနီးကပ်​​လေ့လာနိုင်​ပြီး အစားအစာဟင်​းလျာများမှာယူစား​သောက်​နိုင်​မည်​ဖြစ်​​ကြောင်​းပြည်​​ထောင်​စုတိုင်​းရင်​းသား​ကျေးရွာ(ရန်​ကုန်​)ရုံးတာဝန်​ခံရုံးမှသိရသည်​။

" ဒီကိုဗစ်​ကာလအတွင်​းမှာပဲရ​အောင်​ အ​ကောင်​အထည်​​ဖော်​စီစဉ်​သွားမယ်​ကျွန်​​တော်​တို့တိုင်​းရင်​းသား​ကျေးရွာ(ရန်​ကုန်​)မှာ ဘယ်​သူမှလည်​းမရိုက်​ဖူး​သေးတဲ့ တိုင်​းရင်​းသားရိုးရာအစားအစာစစ်​စစ်​​ပေါ့ ချက်​ပြုတ်​မှုပုံစံတွေနဲ့ရိုက်​ကူးတဲ့ TV Program ကိုအ​ကောင်​အထည်​​ဖော်​သွားမယ်​။ တိုင်​းရင်​းသား​တွေက သူတို့ ရဲ့ရိုးရာဝတ်​စုံ​တွေဝတ်​ဆင်​ပြီး လူမျိုးအလိုက်​​ပေါ့ တိုင်​းရင်​းသား​တွေရဲ့ရိုးရာ အစားအစာ​တွေချက်​ပြုတ်​တာ​တွေ ရိုးရာစစ်​စစ်​ချက်​ပြုတ်​နည်​း​တွေကိုပြည်​သူ​တွေ ကျယ်​ကျယ်​ပြန့်​ပြန့်​သိ​အောင်​နဲ့ တိမ်​မြုပ်​​ပျောက်​ကွယ်​မှုမရှိ​အောင်​အသိ​ပေးနိုင်ဖို့ ဒီ TV Program ကိုအ​ကောင်​အထည်​​ဖော်​တာပါ။ ​ရိုက်​ကူးမှု​တွေ လုပ်​ပြီးရင်​လည်း  ရုပ်​သံလိုင်​း​တွေမှာလွှင်​့​ပေးသွားမယ်​။ တိုင်​းရင်​းသား​ကျေးရွာပြန်ဖွင်​့ပြီဆိုရင်​ လာ​ရောက်​တဲ့သူ​တွေ အနေနဲ့လူမျိုးအလိုက်​ ရိုးရာဝတ်​စုံ​တွေနဲ့ရိုးရာဟင်​းလျာအစားအစာ​တွေချက်​ပြုတ်​တာကို လက်​​တွေ့မြင်​ရမယ်။  စားရမယ်​​ပေါ့ ဒီအစီအစဉ်​​တွေကို လက်​ရှိမှာ​တော့​ဆောင်​ရွက်​နိုင်​ဖို့လုပ်​​နေပါတယ်​"ဟု ပြည်​​ထောင်​စုတိုင်​းရင်​း သား​ကျေးရွာ(ရန်​ကုန်​) ရုံးတာဝန်​ခံ ဒုတိယညွှန်​ကြား​ရေးမှုးဦးပြည်​့ဟိန်​းနိုင်​က​ ပြောသည်​။

 ပြည်​​ထောင်​စုတိုင်​းရင်​းသား​ကျေးရွာ(ရန်​ကုန်​)တွင်​ ယခုကိုဗစ်​ကာလအတွင်​း မွန်​ရိုးရာအစားအစာများ ဖြစ်​​သော ကြက်​​သောက်​ဆမ်​း၊ငါးစင်း​ကော၊ငါးနှပ်​ချက်​၊သစ်​တိုသီးဝက်​သားချက်​၊ငါးကြက်​​ပေါင်​းသီးချက်​ စသော ဟင်​းလျာများ၊ ရခိုင်​ရိုးရာအစားအစာဖြစ်​​သော သနပ်​သုပ်​၊ ငါး​သောက်​ဆမ်​း၊ ပဲကြာဆံသုပ်​ဟင်းလျာ များ၊ရှမ်​းရိုးရာအစားစာများဖြစ်​​သော မုန်​ညင်​း​စော၊ရှမ်​းထမင်​းဝါ၊ ရှမ်​း​ခေါပုတ်​ဟင်​းလျာများ၊ကချင်​ရိုးရာအစားအစာဖြစ်​​သော ဝက်​သား​ကျောက်​ဖရုံလီဆူးဟင်​းလျာ၊အမဲသား​ထောင်​း၊ အမဲသားကချင်​ချက်​ ဟင်းလျာများ၊ ဗမာရိုးရာအစားအစာများဖြစ်​​သော အညာသခွတ်​ပွင်​့သုပ်​၊ မြန်​မာဘိန်​းမုန်​့၊ အညာဝက်​သားပုန်း ရည်​ကြီးချက်​ဟင်​းလျာများ၊ချင်​းရိုးရာအစားအစာများဖြစ်​​သော ဆာဗူးသီး၊နွား​နောက်​သုပ်​ ဟင်​းလျာ၊ကရင်​ရိုးရာအစားအစာများဖြစ်​​သော ပိန်​းဥမျှစ်​ချဉ်​ဟင်​း၊ကရင်​ရိုးရာငါး​ပေါင်​းထုပ်​ဟင်​းလျာ၊ကယားရိုးရာ အစား အစာဖြစ်​​သော ကယားဟင်​းထုတ်​၊ငါးထမင်​းနယ်​၊ဝက်​ရိုးမျှစ်​ချဉ်​ဟင်​းရည်​၊ငါး​သောက်​ဆမ်​း၊ဝက်​သား စင်း​ ကော​ကြော်​စ​သော ရိုးရာဟင်​းလျာများကို တိုင်​းရင်​းသားလူမျိုးများက ရိုးရာဝတ်​စုံများဝတ်​ဆင်​ပြီး ချက်​ပြုတ်​သွားမည်​့အစီအစဉ်​ကို TV Program ရိုက်​ကူး​ကာ ထုတ်​လွှင်​့မည်​ဖြစ်​သည်​။ ထို့ပြင် ကိုဗစ်​ကာလလွန်​​မြောက်​ပြီး တိုင်​းရင်​းသား​ကျေးရွာပြန်​လည်​ဖွင်​့လှစ်​မည်​ဆိုလျှင်​လည်​း လာ​ရောက်​လည်​ပတ်​သူများအနီးကပ်​​လေ့လာကာရိုးရာအစားအစာဟင်​းပွဲများ မှာယူစား​သောက်​နိုင်​မည်​ဖြစ်​​ကြောင်​းသိရသည်​။         

မင်​းခ