ကျွန်းစုမြို့နယ်ရှိ အခြေခံလူတန်းစား အိမ်ထောင်စု ၂၄၂၁၃ စုအတွက် အခြေခံစားကုန်များ ကျေးရွာများသို့ ဖြန့်ဖြူးပို့ဆောင်
ကျွန်းစု ဧပြီ ၁၂ Covid-19 ကာကွယ်ထိန်းချုပ်ရေးနှင့်စပ်လျဉ်းသည့် အရေးကြီးကာလ မဟာသင်္ကြန်ရုံးပိတ်ရက်ရှည်ကာလ အတွင်း ထောက်ပံ့ကူညီမှု ၅ မျိုးကို တနင်္သာရီတိုင်းဒေသကြီး ကျွန်းစုမြို့နယ်အတွင်းရှိ ပုံမှန်ဝင်ငွေမရှိသော အခြေခံ လူတန်းစားအိမ်ထောင်စု ၂၄၂၁၃ စုအတွက် ထောက်ပံ့ကူညီပေးနိုင်ရန် ကျွန်းစုမြို့နယ် ထုပ်ပိုး၊ ပို့ဆောင်၊ ဖြန့်ဖြူးရေးအဖွဲ့က ဧပြီ ၁၁ ရက် နံနက်ပိုင်းတွင် မြိတ်မြို့၌ ရရှိသော ထောက်ပံ့ကူညီမှု ၅ မျိုးမှ ဆန်၊ ဆီ၊ ဆားများကို ကျေးရွာများသို့ စနစ်တကျ ထုပ်ပိုး၊ သယ်ယူ၊ ပို့ဆောင်၊ ဖြန့်ဖြူးရေးလုပ်ငန်းများကို ဆောင်ရွက်လျက်ရှိကြောင်း တွေ့ရစဉ်။ စည်သူရအောင် (ကျွန်းစု)
