ရန်ကုန်၊ ဇူလိုင် ၁၈
ပညာရေးဝန်ကြီးဌာန၊ အခြေခံပညာဦးစီးဌာနက ကျောင်းသား၊ ကျောင်းသူများ ပညာသင်ကြားရေး အဆင်ပြေစေရန် ကျောင်းများအဆင့်တိုးမြှင့်ပေးခြင်း၊ စာသင်ဆောင်များ တိုးချဲ့ပေးခြင်းများကို ဆောင်ရွက်ပေး လျက်ရှိကြောင်း သိရသည်။ ရန်ကုန်တိုင်းဒေသကြီး၊ သုံးခွမြို့တွင်လည်း အမှတ် (၃) ရပ်ကွက်၊ ကြိုက်ဟုန်းလမ်း နှင့် စည်သူလမ်းထောင့်ရှိ အမှတ် (၁) အခြေခံပညာမူလတန်းကျောင်းဆောင်သစ်အား ၂၀၁၉-၂၀၂၀ ပြည့်နှစ်၊ ပညာရေးဌာနခွင့်ပြုရန်ပုံငွေဖြင့် ၂၀၂၀ ပြည့်နှစ်၊ မတ် ၈ ရက် (တပေါင်းလပြည့်နေ့) က ပန္နက်တင်၍ သူခန့်အောင် ကုမ္ပဏီက တာဝန်ယူစတင်ဆောက်လုပ်ခဲ့ရာ ဇူလိုင် ၁၈ ရက်တွင် ၉၃ ရာခိုင်နှုန်းပြီးစီးနေပြီး ပတ်တီးရိုက် ဆေးသုတ်ခြင်း၊ အခန်းတွင်းပန်းရန်ဆရာများက အချောသတ်လုပ်ကိုင်ခြင်း၊ လျှပ်စစ်ကြိုးသွယ်တန်းခြင်း၊ မိုးကြိုးလွှဲတပ်ဆင်ခြင်းလုပ်ငန်းများ ဆောင်ရွက်စဉ်။
ကိုကျော်(သုံးခွ)