Curtis Cup ဂေါက်သီးရိုက်ပြိုင်ပွဲကို ၂၀၂၁ ခုနှစ်မှသာ ကျင်းပမည်

ဇူလိုင်   ၁၇

ယခုနှစ် ဩဂုတ်လအတွင်းကျင်းပရန်စီစဉ်ထားသည့် Curtis Cup ဂေါက်သီးရိုက်ပြိုင်ပွဲကို COVID-19 ရောဂါကြောင့် ရွှေ့ဆိုင်းလိုက်ပြီဖြစ်ကြောင်း Curtis Cup ဂေါက်သီးရိုက်ပြိုင်ပွဲကျင်းပရေးကော်မတီက ထုတ်ပြန်ခဲ့သည်။ အဆိုပါ ဂေါက်သီးရိုက်ပြိုင်ပွဲကို ၂၀၂၁ ခုနှစ်၊ ဩဂုတ် ၂၆ ရက်မှ ၂၈ ရက်အထိ ကျင်းပသွား မည်ဖြစ်ကြောင်း တရားဝင်ထုတ်ပြန်ခဲ့ခြင်းဖြစ်သည်။

“အခုနှစ်အတွင်း ကျင်းပပြုလုပ်သွားဖို့စီစဉ်ထားတဲ့ Curtis Cup ဂေါက်သီးရိုက်ပြိုင်ပွဲကို ၂၀၂၁ ခုနှစ်သို့ ရွှေ့ဆိုင်းခဲ့ပါတယ်၊ ၂၀၂၁ ခုနှစ် ဩဂုတ် ၂၆ ရက်ကနေ ၂၈ ရက်ထိကျင်းပသွားမှာဖြစ်ပါတယ်၊ ရွှေ့ဆိုင်းလိုက်တဲ့ ရက်နဲ့ပတ်သက်ပြီး ပါဝင်ယှဉ်ပြိုင်သွားမယ့် အသင်းတွေရဲ့တုံ့ပြန်မှု၊ အကြံပြုမှုတွေကိုလက်ခံသွားမှာဖြစ်ပါ တယ်၊ ၂၀၂၁ ခုနှစ်မှာ ကျင်းပမယ့်ပြိုင်ပွဲကိုတော့ ဝေးလ်နိုင်ငံမှာကျင်းပပြုလုပ်သွားမှာဖြစ်ပါတယ်၊ ပွဲစီစဉ်တဲ့ နေရာမှာတော့ အခက်အခဲတွေအများကြီးရှိပါတယ်”ဟု Curtis Cup ဂေါက်သီးရိုက်ပြိုင်ပွဲကျင်းပရေးကော်မတီမှ တာဝန်ရှိသူတစ်ဦးက ပြောသည်။                                                                            

 (သူရိန်)