နောက်ဆုံးရသတင်းများ အယ်ဒီတာ့အာဘော် ပြည်တွင်းသတင်း နိုင်ငံတကာသတင်း စီးပွားရေးသတင်း အားကစားသတင်း ဆောင်းပါးများ မှုခင်းသတင်း နည်းပညာသတင်း မင်္ဂလာသတင်း နာရေးသတင်း သတင်းထုတ်ပြန်ချက်
...
ကာတာ ၂၀၂၀ ကမ္ဘာ့ဖလားပွဲ၊ ပွဲချိန်ဇယားနှင့် ရက်စွဲများ ထုတ်ပြန်လိုက်ပြီ

ဇူလိုင်   ၁၇


ကာတာ ၂၀၂၂ ကမ္ဘာ့ဖလားပွဲရဲ့ ပွဲချိန်နဲ့ရက်စွဲများကို ဖီဖာအတည်ပြုထုတ်ပြန်လိုက်ပါတယ်။ ပွဲချိန် ဇယားအရ လေးရက်တစ်ပွဲနှုန်းကစားကြရမှာဖြစ်ပါတယ်။ ကမ္ဘာ့ဖလားဖိုင်နယ်ပွဲကိုတော့ ဒီဇင်ဘာလ ၁၈ ရက်ကို သတ်မှတ်ထားကြပါတယ်။ အင်္ဂလန်အသင်းအတွက် ကစားချိန်ကတော့ ယူကေစံတော်ချိန်နဲ့ဆိုရင် နံနက် ၁၀ နာရီပွဲတွေဖြစ်ပါတယ်။ ဖီဖာရဲ့ ကာတာကမ္ဘာ့ဖလား ၂၀၂၂ လမ်းပြမြေပုံကိုထုတ်ပြန်ပြီးဖြစ်တာ ကြောင့် နိုဝင်ဘာ ၂၁ ရက်မှာစတင်ကစားကြမှာဖြစ်ပြီး အုပ်စုပွဲများအားလုံး ဒီဇင်ဘာ ၂ ရက် နေ့ထိ တစ်ရက် လျှင် ၄ ပွဲနှုန်းနဲ့ ပရိသတ်များတိုက်ရိုက်ကြည့်ရှုနိုင်မှာဖြစ်ပါတယ်။


၂၀၁၈ ရုရှားကမ္ဘာ့ဖလားက အုပ်စုအဆင့်တစ်နေ့ကို ၂ ပွဲနဲ့ ၄ ပွဲကြားကစားခဲ့ကြရပါတယ်။ ပထမဆုံး အုပ်စုပွဲများဟာ နိုဝင်ဘာ ၂၁ ရက် တနင်္လာ၊ ဒေသစံတော်ချိန် နေ့လယ် ၁ နာရီမှာကစားမှာဖြစ်ပြီး မြန်မာစံတော်ချိန်နဲ့တွက်ရင် ညနေ ၄ နာရီဖြစ်ပါတယ်။ ကြားရက်ပွဲများကတာ့ အလုပ်ချိန်နဲ့တိုက်နေ ပါတယ်။ ဘယ်ပွဲကို ဘယ်ကွင်းမှာကစားမယ်ဆိုတာတော့ အတိအကျမသတ်မှတ်ရသေးပါ။ မတ် ၂၀၂၂ ဖိုင်နယ်မဲနှိုက်ပြီးမှသာ မှတ်ပေးမှာဖြစ်ပါတယ်။ ပွဲသုံးပွဲကလွဲပြီး အသင်းအာလုံး တစ်ပွဲနဲ့တစ်ပွဲကြား အနားယူရက် ၃ ရက်စီရကြမှာပါ။ အသင်းတွေ၊ ပရိသတ်တွေ၊ မီဒီယာတွေတစ်ပွဲနဲ့တစ်ပွဲကြား ကူးသန်းဖို့ လေယာဉ်၊ ရထား၊ ကားတို့ဖြင့် ခရီးလမ်းရှည်သွားစရာ လုံးဝမလိုအပ်ပါ။ ပြိုင်ပွဲရဲ့ ပထမအဖွင့်ပွဲကိုတော့ အယ်လ်ခေါကအယ်ဘေးစတေဒီယမ်မှာ အိမ်ရှင်အသင်းနဲ့ယှဉ်ပြိုင်ကစားရမှာပါ။ တတိယနေရာလုပွဲကို ဒီဇင်ဘာ ၁၇ ရက် ခါလီဖာကွင်းမှာကျင်းပပြီး ဖိုင်နယ်ပွဲကိုတော့ ဒီဇင်ဘာ ၁၈ ရက်နေ့မှာ လူဆေးစတေဒီယမ် (လူ ၈ သောင်းကျော်ဆံ့)ကွင်းမှာကျင်းပမည်ဖြစ်ကြောင်း ထုတ်ပြန်ကြေညာထားပါတယ်။                     


(SO)






အခြားဆက်စပ်သတင်းများ