ပရိသတ်ဗလာနဲ့ ဂျာမန်ပိုကယ်ဖလားရယူလိုက်တဲ့ ဘိုင်ယန်မြူးနစ်အသင်း
ဇူလိုင် ၁၄
လေဗာကူဆင်ကို အနိုင်ကစားကာ ဂျာမန်ပိုကယ်ဖလားချန်ပီယံဆုကို ဆွတ်ခူးရယူနိုင်ခဲ့ပေမဲ့ ပရိသတ် မပါဘဲ ကစားခဲ့ရတာကိုတော့ ဝမ်းနည်းမိတယ်လို့ ဘိုင်ယန်မြူးနစ်တိုက်စစ်မှူး သောမတ်မူလာက ထုတ်ဖော် ပြောဆိုခဲ့ပါတယ်။
ဘိုင်ယန်မြူးနစ်အသင်းဟာ ဂျာမန်ဘွန်ဒက်စ်လီဂါဆုကိုလည်း ရှစ်နှစ်ဆက်တိုက်ရယူနိုင်ခဲ့ပြီး ယခုလည်း လေဗာကူဆင်ကို ၄-၂ ဖြင့်အနိုင်ရကာ ဂျာမန်ပိုကယ်ဖလားချန်ပီယံဆုကို ထပ်မံဆွတ်ခူးရခဲ့ တာပဲဖြစ်ပါတယ်။ ဘိုင်ယန်မြူးနစ်အသင်းရဲ့ တိုက်စစ်မှူးကြီး သောမတ်မူလာက “နည်းနည်းတော့ဝမ်းနည်းဖို့ကောင်းပါတယ်။ ဒီလို ဖလားဗိုလ်လုပွဲတစ်ပွဲမှာ ပရိသတ်တွေပျောက်ဆုံးနေခဲ့ပါတယ်။ ပရိသတ်များပါဝင်ခဲ့တုန်းက ခံစားချက်မျိုးမခံစားခဲ့ရပါဘူး၊ ချန်ပီယံဆုတွေရဖို့အတွက် ကျွန်တော်တို့တွေ အစွမ်းကုန်ကြိုးစားခဲ့ကြရပါတယ်။ ဒါပေမဲ့ ဒီအချိန်မှာတော့ ခါးသီးတဲ့ခံစားချက်အနည်းငယ်တော့ ခံစားခဲ့ ရပါတယ်။ အသင်းရဲ့ စွမ်းဆောင်ရည်အတွက်တော့ ပျော်ပါတယ်၊ ဒီရာသီမှာဖလားနှစ်လုံးရခဲ့တာကတော့ ကျေနပ်စရာပါ” လို့ပြောခဲ့ပါတယ်။
(SO)
