မန္တလေး၊ ဇူလိုင် ၁၁
မန္တလေးခရိုင်မီးသတ်ဦးစီးမှူး လက်ထောက်ညွှန်ကြားရေးမှူး ဦးထက်အောင် ဦးဆောင်သော စစ်ဆေးရေး အဖွဲ့သည် ဇူလိုင် ၁၀ ရက် နံနက် ၈ နာရီက ဗဟိုမီးသတ်စခန်းနှင့် ချမ်းအေးသာစံမြို့နယ်မီးသတ်စခန်းတို့ကို သွားရောက်စစ်ဆေးခဲ့သည်။
မန္တလေးခရိုင်မီးသတ်ဦးစီးမှူးနှင့်အဖွဲ့မှ မီးသတ်ယာဉ်များ၊ စက်ပစ္စည်းကိရိယာများနှင့် မြေပြင်၊ ရေပြင်သုံး ရှာဖွေကယ်ဆယ်ရေးပစ္စည်းကိရိယာများ ကြံ့ခိုင်မှုစစ်ဆေးခြင်း၊ မီးသတ်တပ်ဖွဲ့ဝင်များBMI(Body Mass Index)ကိုက်ညီမှုရှိစေရေးစစ်ဆေးခြင်း၊ တပ်ဖွဲ့ဝင်မိသားစုများနှင့်တွေ့ဆုံ၍ အထက်အကြီးအကဲများ၏ လမ်းညွှန် မှာကြားချက်များကို ထပ်ဆင့်ရှင်းလင်းမှာကြားခဲ့ပြီး ချမ်းအေးသာစံမြို့နယ် ရှာဖွေကယ်ဆယ်ရေးတပ်စု၏ လေ့ကျင့်မှုများကို ကြည့်ရှုစစ်ဆေးခဲ့သည်။
မောင်ပြည်သူ (မန္တလေး)