ရန်ကုန် ဇူလိုင် ၁၁
Channel VIII မှ စီစဉ်ပြီး ဒါရိုက်တာ Emma ရိုက်ကူးပုံဖော်မည့် Innocence The Series ရုပ်သံ ဇာတ်လမ်းတွဲ ကန်တော့ပွဲပေးပွဲနှင့် စာနယ်ဇင်းမိတ်ဆက်အသိပေးပွဲကို ဇူလိုင် ၁၁ ရက်၊ မွန်းလွဲ ၁ နာရီက ပန်းလှိုင်အိမ်ရာဝင်းအတွင်းရှိ Awai Matta ဟိုတယ်တွင် ကျင်းပခဲ့ကြောင်း သိရသည်။
ရုပ်သံဇာတ်လမ်းတွဲတွင် ယောကျ်ားလေးနှစ်ဦး၏အချစ်ကို ပုံဖော်ရိုက်ကူးထားသည့် အဆိုပါဇာတ်လမ်း မျိုးသည် မြန်မာပြည်တွင် ပထမဦးဆုံးပုံဖော်ရိုက်ကူးခြင်းဖြစ်သည်။
ဒါရိုက်တာ Emma မှ ပုံဖော်ရိုက်ကူးမည့် အဆိုပါရုပ်သံဇာတ်လမ်းတွဲတွင် အဓိကသရုပ်ဆောင်များအဖြစ် စိုင်းဝဏ္ဏအောင်၊ Ethan၊ မင်းသွေးခန့်၊ အေးမြရိပ်နိုင်၊ မြင့်မြတ်မောင်၊ ဆက်နိုင်၊ ရဲရင့်မောင်မောင်၊ နေမညို၊ ထားသစ္စာ၊ ဇွန်ပန်းရနံ့နှင့် အနုပညာရှင်များ ပါဝင်သရုပ်ဆောင်ကြမည်ဖြစ်ကြောင်း သိရသည်။
အဆိုပါကန်တော့ပွဲအခမ်းအနားတွင် သစ်တံခါးဆရာတော်ကို ဝါဆိုသင်္ကန်းကပ်လှူဒါန်းခဲ့ကြောင်း သိရသည်။
အဆိုပါ ရုပ်သံဇာတ်လမ်းတွဲကို သြဂုတ်လပထမပတ်တွင် ရိုက်ကူးရေးစတင်မည်ဖြစ်ပြီး Online Channel များမှတစ်ဆင့် အပတ်စဉ်ထုတ်လွှင့်ပြသသွားမည်ဖြစ်ကြောင်း သိရသည်။
ခရီးသွားလုလင်