ရန်ကုန် ဇူလိုင် ၁၀
ရန်ကုန်အနောက်ပိုင်းခရိုင်၊ လှိုင်မြို့နယ်၊ အမှတ် ၁၂ ရပ်ကွက်၊ ပါရမီလမ်း၊ လောကနတ်အိမ်ရာရှေ့ရှိ ဓာတ်အားပေးရုံအတွင်းသို့ဝင်သည့်ဓာတ်တိုင်တွင် ဇူလိုင် ၁၀ ရက် နံနက် ၂ နာရီ ၂၇ မိနစ်ခန့်က ရှော့(ခ်)ဖြစ်၍ မီးများလောင်ကျွမ်းခဲ့ပါသည်။
အဆိုပါ မီးလောင်မှုဖြစ်ပွားရာနေရာသို့ လှိုင်မြို့နယ်လျှပ်စစ်ဌာနမှ တာဝန်ရှိသူများ ရောက်ရှိလာခဲ့ကြပြီး မီးသတ်ဆေးဘူးများဖြင့် မီးငြှိမ်းသတ်ရန်အတွက် အနှိုင်းမဲ့မေတ္တာလူမှုကယ်ဆယ်ရေးအသင်း (လှိုင်) ကို သွားရောက်အကူအညီတောင်းခံခဲ့ပြီး မီးသတ်ဆေးဘူး သုံးဘူးဖြင့် မီးငြှိမ်းသတ်ခဲ့ကြရာ ဇူလိုင် ၁၀ ရက် နံနက် ၂ နာရီခွဲခန့်က မီးငြိမ်းသွားခဲ့ပါကြောင်း သတင်းရရှိပါသည်။
ကြည်ဇေသော်(ပြန်/ဆက်)