ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း လက်နက်ကိုင်ဆောင်သူများ ဖမ်းဆီးအရေးယူ
ရန်ကုန် ဇူလိုင် ၁၀
ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း တရားဥပဒေစိုးမိုးရေးနှင့် ပြည်သူလူထု၏ အသက် အိုးအိမ်စည်းစိမ်ကို ထိခိုက်စေမည့် မှုခင်းများမဖြစ်ပွားစေရေးအတွက် သက်ဆိုင်ရာနယ်မြေအလိုက် ဖမ်းဆီး ခြင်းဆောင်ရွက်ခဲ့ရာ ဇလိူင် ၉ ရက်၊ နံနက် ၄ နာရီ ၅၀ မိနစ်အချိန်တွင် ဒံဂုံမြို့သစ်(တောင်ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် (၇၀)ရပ်ကွက်၊ နဝဒေးလမ်းနှင့် အောင်ချမ်းသာလမ်းထောင့်၌ ဓားကိုင်သောင်းကျန်းနေသော ထွန်းထွန်းအောင်ထံမှ အရိုးအသွား(၁၁)လက်မခန့်ရှိ ထိပ်ဦးချွန်ဓားတစ်ချောင်းနှင့် နံနက် ၅ နာရီ ၁၅ မိနစ်အချိန် တွင် (၁၀၄)ရပ်ကွက်၊ ပေါ်ဆန်းမွှေးလမ်းမပေါ်၌ ဓားကိုင်သောင်းကျန်းနေသော ဖိုးစိန်ထံမှအရိုး အသွား(၈)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊
လှိုင်သာယာ(အနောက်ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် ညနေ ၄ နာရီအချိန်တွင် အလယ် ကျေးရွာအုပ်စု၊ မြေတိုင်း(၂၂)၊ ဗိုလ်အောင်ကျော်လမ်းမပေါ်၌ ဓားကိုင်သောင်းကျန်းနေသော နိုင်စိုးထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊ သာကေတမြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၁၁ နာရီအချိန်တွင် (၂/တောင်)ရပ်ကွက်၊ မာန်ပြေ လမ်းထိပ်၌ ဓားကိုင်သောင်းကျန်းနေသော စိုးရာဇာဝင်းထံမှ အရိုးအသွား(၈)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း သိမ်းဆည်းရရှိ၍ သက်ဆိုင်ရာရဲစခန်းအသီးသီးတွင် လက်နက်အက်ဥပဒေပုဒ်မ၁၉(င)အရ အမှုဖွင့်အရေးယူခဲ့ကြောင်း သိရသည်။
ဆွေဦး
