မီးဘေးကြိုတင်ကာကွယ်ရေး Water Pump House များ စစ်ဆေး
မန္တလေး ဇူလိုင် ၆
မန္တလေးမြို့တော် မီးဘေးကြိုတင်ကာကွယ်ရေးအတွက် မန္တလေးမြို့တော်စည်ပင်သာယာရေး ကော်မတီက မန္တလေးခရိုင် ၅ မြို့နယ်တွင် ရပ်ကွက်အလိုက် အရေးပေါ်မီးသတ်ရေငုတ်များ တပ်ဆင်ပေးထား ပြီး မီးသတ်ယာဉ်များရေအလွယ်တကူဖြည့်တင်းနိုင်ရန် အောင်မြေသာစံမြို့နယ် ၂၂ လမ်းနှင့် လမ်း ၈၀ ထောင့် ကျုံးအနောက်ဘက်တွင်လည်းကောင်း၊ ချမ်းမြသာစည်မြို့နယ် ကန်တော်ကြီးပတ်လမ်းတွင်လည်းကောင်း မြင်းကောင်ရေ ၂၅ ကောင်အား စက် ၂ လုံးဖြင့် Water Pump House များ တည်ဆောက်ပေးထားခဲ့သည်။ ရေစုပ်စက်များ အသင့်အနေအထားကောင်းမွန်မှုရှိစေရေးအတွက် ဇူလိုင် ၅ ရက် ညနေ ၄ နာရီက ချမ်းမြသာစည်မြို့နယ် မီးသတ်ဦးစီးမှူးဦးမင်းမင်းစိုးဦးဆောင်၍ ဒေသအရန်မီးသတ်တပ်ဖွဲ့ဝင်များသည် ကန်တော်ကြီးရှိ ရေစက်ရုံအား စက်မောင်းနှင့်၍ ရေပက်ခြင်း၊ ရေဖြည့်ခြင်းများစမ်းသပ်ပြုလုပ်ခဲ့ကြစဉ်။
မောင်ပြည်သူ(မန္တလေး)
