ရေသန့်စက်ရုံများနှင့် အခြေခံပညာကျောင်းများအား တိုင်းဒေသကြီးဝန်ကြီး ကြည့်ရှုစစ်ဆေး

ရန်ကုန်   ဇူလိုင် ၁၈

သန်လျင်မြို့နယ်တွင် ဝမ်းပျက်၊ ဝမ်းလျှောရောဂါ ကြိုတင်ကာကွယ်နိုင်ရေးအတွက်ရေသန့်စက်ရုံများနှင့် အခြေခံပညာကျောင်း များကို ယမန်နေ့နံနက်ပိုင်းက သယံဇာတရေးရာဝန်ကြီး ဦးဇော်ဝင်း လာရောက်ကြည့်ရှုစစ်ဆေးသည်။ 

ရှေးဦးစွာ သန်လျင်ခရိုင် အထွေထွေအုပ်ချုပ်ရေးဦးစီးဌာနရုံးတွင် တိုင်းဒေသကြီးဝန်ကြီးအား ခရိုင်စီမံအုပ်ချုပ်ရေးအဖွဲ့ ဥက္ကဋ္ဌ ဦးအောင်သိုက်ဝင်းက ခရိုင်အတွင်းရှိ မြို့နယ်များတွင် ဝမ်းပျက်၊  ဝမ်းလျှောရောဂါကြိုတင်ကာကွယ်ရေးဆောင်ရွက်ထားရှိမှုများကိုလည်းကောင်း၊ခရိုင်အထွေထွေရောဂါကုဆေးရုံအုပ်ကြီး  ဒေါက်တာ ချောနန္ဒီနှင့်တာဝန်ရှိသူများက ဝမ်းပျက်၊ဝမ်းလျှောရောဂါကြိုတင် ကာကွယ်ရေးအတွက် ရပ်ကွက်၊ ကျေးရွာများသို့ ကွင်းဆင်းဆောင် ရွက်ထားရှိမှု‌များကိုလည်းကောင်း ရှင်းလင်းတင်ပြကြသည်။

ထို့နောက် တိုင်းဒေသကြီး ဝန်ကြီးသည် မြို့နယ်အတွင်းရှိ ရေသန့်စက်ရုံများ၊ အခြေခံပညာကျောင်းများသို့ သွားရောက်၍ သန့်ရှင်းသော သောက်သုံးရေများကို FDA ၏ စစ်ဆေးခွင့်ပြုချက် ဖြင့် စနစ်တကျထုတ်လုပ်သွားရန်၊ ကျောင်းမုန့်ဈေးတန်းနှင့် အများ သုံးသန့်စင်ခန်းများတွင် လက်ဆေးဆပ်ပြာနှင့် ရေလုံလောက်စွာ ထားရှိရေး၊ ကျောင်းကျန်းမာရေးအဖွဲ့၏ စိစစ်ခွင့်ပြုချက်ဖြင့်ကျောင်း သား ကျောင်းသူများအား သန့်ရှင်းသော အစားအစာများ ရောင်းချ ပေးနိုင်ရန် တာဝန်ရှိသူများအား ဆွေးနွေးမှာကြားသည်။   ဆက်လက်၍ တိုင်းဒေသ ကြီးဝန်ကြီးသည် ပြင်းထန် ဝမ်းပျက်ဝမ်းလျှောရောဂါပိုးတွေ့ လူနာ၏နေအိမ်သို့ သွားရောက် ၍ မိသားစုများကို အားပေး စကားပြောကြားကာ ထောက်ပံ့ ငွေများ ပေးအပ်သည်။        

 ဆန်းကျော်ဦး(ပြန်/ဆက်)