ဆာဂျီအို ဂိုမက်ဇ်ကို ခေါ်ယူရန် ဆိုစီဒက်အသင်း သဘောတူညီမှုရ
ဇူလိုင် ၉
ဆိုစီဒက်အသင်းသည် မန်စီး တီးအသင်း ခံစစ်ကစားသမား ဆာဂျီအို ဂိုမက်ဇ်ကို ပြောင်းရွှေ့ ကြေး စတာလင်ပေါင် ၈ သန်း ဖြင့် ခေါ်ယူရန် သဘောတူညီမှု ရရှိခဲ့ကြောင်း သိရသည်။
အသက် ၂၃ နှစ်အရွယ်ရှိ ခံစစ်ကစားသမား ဆာဂျီအို ဂိုမက်ဇ် သည် ၂၀၂၂ ခုနှစ်က အန်ဒါလက်ချ် အသင်းမှ မန်စီးတီးအသင်းသို့ ပြောင်းရွှေ့ကစားခဲ့ပြီး အသင်းနှင့် အတူ ပြိုင်ပွဲစုံ ၃၈ ပွဲ ကစားခဲ့ရာ တွင် နှစ်ပွဲသာ ပွဲထွက်ကစား သမားအဖြစ် ပါဝင်ကစားခွင့်ရခဲ့ သည်။
ဆာဂျီအို ဂိုမက်ဇ်သည် ပြီးခဲ့သည့် ဘောလုံးရာသီက အသင်း သို့ ခံစစ်ကစားသမား ဂါဗာဒီယို ရောက်ရှိခဲ့ပြီးနောက်ပိုင်း ပွဲကစားခွင့် လျော့နည်းခဲ့သည့် အပြင် နည်းပြ ဂွါဒီယိုလာက နသန်အကီ၊ အကန်းဂျီးတို့ကို လည်း ခံစစ်ပိုင်းတွင် ထည့်သွင်း အသုံးပြုနေသောကြောင့် ပွဲကစား ခွင့်ရရှိရန် မျှော်လင့်ချက် နည်းပါး လာသဖြင့် ဆိုစီဒက်အသင်း၏ ကမ်းလှမ်းမှုကို လက်ခံခဲ့ခြင်း ဖြစ်သည်။
ဆိုစီဒက် အသင်းသည် ဗဟိုခံစစ်ပိုင်းမှ လီနော်မန်းကို အေတီကိုအသင်းသို့ လက်လွှတ် ရမည်ဖြစ်သောကြောင့် ခံစစ်ပိုင်း လိုအပ်ချက်အတွက် ဆာဂျီအို ဂိုမက်ဇ်ကို ခေါ်ယူရန် ဆုံးဖြတ် ခဲ့ခြင်းဖြစ်သည်။
သူရိန်
