ဂျုဗင်တပ်အသင်း ဒေါက်ကလပ်လူးဝစ်ကို ခေါ်ယူရန် သဘောတူညီမှုရ
ဇွန် ၂၄
ဂျူဗင်တပ်အသင်းသည် အေဗီလာအသင်း ကွင်းလယ် ကစားသမား ဒေါက်ကလပ်လူး ဝစ်ကို ခေါ်ယူရန် ပြောင်းရွှေ့ ကြေး စတာလင်ပေါင် ၄၃ သန်း ဝန်းကျင်အပြင် လူငယ်ကစား သမား နှစ်ဦးဖြစ်သည့် အိုင်းလင်း ဂျူနီယာနှင့် ဘာရန်နီချီအာတို့ နှစ်ဦးကို အလိုက်ပေးကမ်းလှမ်း ခဲ့ရာ ကလပ်အသင်း နှစ်ခုကြား သဘောတူညီမှုရရှိခဲ့ကြောင်း သိရသည်။
ဂျူဗင်တပ်အသင်းသည် ကနဦးက ကွင်းလယ်ကစား သမား မက်ကင်နီကို အလိုက် ပေး၍ ဒေါက်ကလပ်လူးဝစ်ကို ခေါ်ယူရန် ကြိုးပမ်းခဲ့ရာ အောင် မြင်မှုမရခဲ့သောကြောင့် လူငယ် ကစားသမား အိုင်းလင်းဂျူနီယာ နှင့် ဘာရန်နီချီအာတို့ နှစ်ဦးကို အလိုက်ပေး ကမ်းလှမ်းခဲ့ရာ အေဗီလာအသင်းက လက်ခံခဲ့ပြီး လူငယ်ကစားသမား နှစ်ဦး၏ ဈေးကွက်တန်ကြေးမှာ စတာ လင်ပေါင် ၁၈ ဒသမ ၆ သန်းရှိ သည်။
ဂျူဗင်တပ်အသင်းသည် လာမည့် ရက်သတ္တပတ်အတွင်း ဒေါက်ကလပ်လူးဝစ်၏ အပြောင်း အရွှေ့ကိစ္စများကို အပြီးသတ် လက်မှတ်ရေးထိုး၍ တရားဝင် ထုတ်ပြန်သွားမည်ဖြစ်သည်။
အေဗီလာအသင်းအနေဖြင့် လာမည့်နှစ် ချန်ပီယံလိဂ်ပြိုင်ပွဲ ကစားရမည်ဖြစ်၍ အဓိက ကစားသမားများကို ရောင်းချလို ခြင်းမရှိသော်လည်း အသင်း အနေဖြင့် မတ်လအတွင်းက ထုတ်ပြန်ခဲ့သည့် ဘဏ္ဍာရေး ရှင်းတမ်းတွင် စတာလင်ပေါင် သန်း ၁၂၀ ထိ အရှုံးပေါ်ခဲ့သော ကြောင့် အသင်းမှ ခြေစွမ်းပြ ကစားသမားများကို ရောင်းချ သွားမှသာ ပရီးမီးယားလိဂ်၏ ဝင်ငွေ၊ ထွက်ငွေစည်းမျဉ်းကို ကျော်ဖြတ်နိုင်မည်ဖြစ်သည်။
သူရိန်
