အူရီဒူးမြန်မာက "Gameverse - Mission 2024" ဗိုလ်လုပွဲကျင်းပမည်

ရန်ကုန် ဇွန်  ၁၃

အူရီဒူးမြန်မာက ကျင်းပသည့် Gameverse - Mission 2024 ၏ ဗိုလ်လုပွဲပြိုင်ပွဲစဉ်ကြီးကို ဇွန် ၁၅ ရက်၊ ၁၆ ရက်တွင် အမျိုးသားအားကစား ပြိုင်ပွဲရုံ(၁)သု၀ဏ္ဏ၌ ကျင်းပမည်ဖြစ် ကြောင်းသိရသည်။အဆိုပါပြိုင်ပွဲသည် အွန်လိုင်းပြိုင်ပွဲများတွင် အသီးသီးအနိုင်ရရှိခဲ့ကြသော ထိပ်တန်းအသင်းများဖြစ်ကြသည့် အမျိုးသားအဖွဲ့များ - Burmese Ghouls, AI eSports and Falcon eSports, နှင့် အမျိုးသမီးအဖွဲ့များ - Falcon Daisies, Net Angels, Blade Angels တို့ ပါ၀င်ယှဉ်ပြိင်ကြမည်ဖြစ်ပြီး မည်သူမဆို၀င်ကြေး အခမဲ့ဖြင့် လာရောက်ကြည့်ရှုနိုင်‌ကြောင်းသိရသည်။  

ယင်းဂိမ်းပြိုင်ပွဲကြီးတွင် အမြင့်ဆုံးဆုကြေးငွေ စုစုပေါင်းကျပ် သိန်း ၇၀၀ ချီးမြှင့်သွားမည်ဖြစ်ပြီး စိတ်လှုပ်ရှားဖွယ် အစီအစဉ် ပေါင်းများစွာ ပါ၀င်မည်ဖြစ်သည်။ ထို့ပြင် မိမိကြိုက်နှစ်သက်သည့် eSports Merchandise များကို ဝယ်ယူနိုင်ခြင်း၊ မိမိနှစ်သက်သည့် အသင်းများကိုအားပေးရန် လိုအပ်သည့် အသင်းအင်္ကျီ၊ ပိုစတာ၊ အသင်းအလံ၊ ခေါင်းပတ်၊ လက်ပတ်နှင့် အခြား Merchandise ပစ္စည်းများ ၀ယ်ယူနိုင်‌ကြောင်းသိရသည်။ 

အောင်မြင့်ဌေး(မြို့တော်သတင်း)