ရန်ကုန်တိုင်းဒေသကြီး စားပွဲတင်တင်းနစ်ဥက္ကဋ္ဌဖလား အလွတ်တန်းဖိတ်ခေါ်ပြိုင်ပွဲဆုချီးမြှင့်
ရန်ကုန် ဇွန် ၁၀
၂၀၂၄ ခုနှစ် ရန်ကုန်တိုင်းဒေသကြီး စားပွဲတင်တင်းနစ် ဆပ်ကော်မတီ ဥက္ကဋ္ဌဖလား အလွတ်တန်းဖိတ်ခေါ်ပြိုင်ပွဲ ဆုပေးပွဲ အခမ်းအနားကို ယမန်နေ့ညနေ ၄ နာရီတွင် ရန်ကုန်တိုင်းဒေသကြီး ဒဂုံမြို့နယ် မြန်မာနိုင်ငံ စားပွဲတင်တင်းနစ်အဖွဲ့ချုပ် လေ့ကျင့်ရေး ခန်းမတွင် ကျင်းပသည်။
အဆိုပါ အခမ်းအနားသို့ မြန်မာနိုင်ငံစားပွဲတင်တင်းနစ် အဖွဲ့ချုပ် ဥက္ကဋ္ဌ ဦးကျော်ကျော်နှင့် မြန်မာနိုင်ငံစားပွဲတင်တင်းနစ် အဖွဲ့ချုပ်မှ တာဝန်ရှိသူများ၊ ရန်ကုန်တိုင်းဒေသကြီး အားကစားနှင့် ကာယပညာဦးစီးဌာနမှ တာဝန်ရှိသူများ၊ စားပွဲတင်တင်းနစ် ဆပ်ကော်မတီ ဥက္ကဋ္ဌ ဦးအောင်မြတ်ကျော်၊ ဒုဥက္ကဌ ဦးစလင်းနှင့် တိုင်းဆပ်ကော်မတီဝင်များမှ အသင်းလိုက် အလွတ်တန်းပြိုင်ပွဲ နှင့် (၁၉) နှစ်အောက်ပြိုင်ပွဲ (အမျိုးသား/အမျိုးသမီး) တွင် ဆုရရှိသော ပြိုင်ပွဲများအား တစ်ဦးချင်းဆုတံဆိပ်၊ ဆုကြေးငွေနှင့် အသင်းလိုက် တံခွန်စိုက်ဆုဖလားချီးမြှင့်ခြင်း၊ အကောင်းဆုံး အားကစားသမားဆု (အမျိုးသား/ အမျိုးသမီး) အား ဆုချီးမြှင့်ကြသည်။
(ပုံ)အောင်မြင့်ဌေး
(မြို့တော်သတင်း)
