နောက်ဆုံးရသတင်းများ အယ်ဒီတာ့အာဘော် ပြည်တွင်းသတင်း နိုင်ငံတကာသတင်း စီးပွားရေးသတင်း အားကစားသတင်း ဆောင်းပါးများ မှုခင်းသတင်း နည်းပညာသတင်း မင်္ဂလာသတင်း နာရေးသတင်း သတင်းထုတ်ပြန်ချက်
...
Universe Myanmar 2024 Winner ဆုကို အလှမယ် သက်စံအန်ဒါဆန်ရရှိ

ရန်ကုန်၊  ဇွန်  ၈

ရန်ကုန်မြို့၊ ကမ္ဘာအေးဘုရားလမ်းရှိ Yangon Convention Center (YCC) ခန်းမ၌ (၁၁) ကြိမ်မြောက်  Miss Universe Myanmar  2024  Grand Final ပြိုင်ပွဲကိုဇွန် ၇ ရက် ညနေ ၄ နာရီခွဲတွင် စတင် ကျင်းပရာ တိုင်ဒေသကြီးနှင့်ပြည်နယ် ကိုယ်စားပြုအလှမယ် ၅၂ ဦး ဝင်ရောက်ယှဉ်ပြိုင်ကြသည်။

Miss Universe Myanmar 2024 Grand Final ပြိုင်ပွဲတွင် Yangon North ကိုယ်စားပြုအလှမယ် သက်စံအန်ဒါဆန်က Winner ဆုကို ရရှိခဲ့ကာ Miss Universe Myanmar 2024 အဖြစ်ရွေးချယ်ခံခဲ့ရသည်။

ပြိုင်ပွဲတွင် 1st Runner Up ဆုကို မိတ္ထီလာအလှမယ် ချယ်ရီမိုး၊ 2nd Runner Up ဆုကို Yangon South အလှမယ် ဟန်လေး၊ 3rd  Runner up ဆုကို မော်လမြိုင် အလှမယ် အိမ့်မျက်ခြယ်၊ 4th Runner Up ဆုကို တောင်ငူ အလှမယ် သော်တာဆန်းနှင့် 5th Runner Up ဆုကို မြစ်ကြီးနား အလှမယ် Mary Htoi Ra တို့က အသီးသီးရရှိခဲ့ကြသည်။

Grand Final ပြိုင်ပွဲတွင် Evening Gown ဝတ်စုံဖြင့် ယှဉ်ပြိုင်ခြင်း နှင့် Swimsuit များဖြင့် ယှဉ်ပြိုင်ခြင်းများ ပါဝင်ခဲ့ ပြီး  Miss Universe Myanmar ပြိုင်ပွဲ၏ Official Voting Partner အဖြစ် ပါဝင်ထားသော Bigo Live Myanmar ရဲ့ App ကနေ တစ်ဆင့် မဲပေးရွေးချယ်ခဲ့သည့် “Miss Popular by BIGO” ဆုကို ပေးအပ်ခြင်း ပါဝင်ခဲ့ပြီး အဆိုပါ ဆုကို တောင်ငူ အလှမယ် သော်တာဆန်းက ရရှိခဲ့ကြောင်း သိရသည်။ 








အောင်မြင့်ဌေး(မြို့တော်သတင်း)






အခြားဆက်စပ်သတင်းများ