ဘုန်းမောက်အသင်းက အူနယ်လ်ကို စတာလင်ပေါင် ၁၃ သန်းဖြင့် ခေါ်ယူ
ဇွန် ၃
ဘုန်းမောက် အသင်းသည် ဂီတာဖေးအသင်း တိုက်စစ်မှူး အူနယ်လ်ကို ရာသီဝက် အငှား စာချုပ်ဖြင့် ခေါ်ယူခဲ့ပြီး စာချုပ် ကုန်ဆုံးချိန်တွင် ပြောင်းရွှေ့ကြေး စတာလင်ပေါင် ၁၃ သန်းဖြင့် အပြီးသတ် ခေါ်ယူခဲ့ကြောင်း သိရသည်။
အသက် ၂၇ နှစ်အရွယ်ရှိ တိုက်စစ်မှူး အူနယ်လ်သည် ဘုန်းမောက်အသင်းအား ဘောလုံး ရာသီ ပိတ်သိမ်းချိန်တွင် ရမှတ် ၄၈ မှတ်ဖြင့် အမှတ်ပေးဇယား အဆင့် ၁၂ တွင် ရပ်တည်နိုင် အောင် ကူညီနိုင်ခဲ့သဖြင့် အသင်း တာဝန်ရှိသူများက အပြီးသတ် ခေါ်ယူ၍ လာမည့် ၂၀၂၈ ခုနှစ် အထိ လေးနှစ်စာချုပ် ချုပ်ဆိုခဲ့ ခြင်းဖြစ်သည်။
တိုက်စစ်မှူး အူနယ်လ်သည် ဘုန်းမောက်အသင်းနှင့်အတူ သုံးပွဲသာ ပွဲထွက်ခွင့်ရရှိခဲ့ပြီး ၁၄ ပွဲကို လူစားဝင် ကစားသမား အဖြစ် ပါဝင်ခဲ့ရသော်လည်း သွင်းဂိုး နှစ်ဂိုးသွင်းယူ၍ နည်းပြ အီရာအိုလာ၏ ယုံကြည်မှုကို ရယူနိုင်ခဲ့သူဖြစ်သည်။
သူရိန်
