ရန်ကင်းမြို့နယ်နှင့် မရမ်းကုန်းမြို့နယ်အကြား ပါရမီလမ်း ကတ္တရာကွန်ကရစ်(AC) ခင်းခြင်းလုပ်ငန်း ရန်ကုန်မြို့တော်ဝန် ဦးဗိုလ်ဌေး ကွင်းဆင်းစစ်ဆေး

ရန်ကုန် ဧပြီ  ၂၅

ရန်ကုန်တိုင်းဒေသကြီး စည်ပင်သာယာရေးဝန်ကြီး၊ ရန်ကုန်မြို့တော်စည်ပင်သာ ယာ‌ရေးကော်မတီ ဥက္ကဋ္ဌ (မြို့တော်ဝန်) ဦးဗိုလ်ဌေးသည် သက်ဆိုင်ရာ၊ ဌာနမှူးများနှင့် တာဝန်ရှိသူများလိုက်ပါလျက်  ယမန်နေ့ညပိုင်းက အင်ဂျင်နီယာ ဌာန (လမ်းနှင့်တံတား) က ဆောင်ရွက်နေသည့် မရမ်းကုန်း မြို့နယ်နှင့်ရန်ကင်းမြို့နယ်တို့ အကြားဆက်သွယ်ထားသော ပါရမီလမ်းတစ်လျှောက်ပြည် လမ်းမှ ဝေဇယန္တာလမ်းအထိ   အရှည် ၉၅၃၀ ပေ၊ အကျယ် ၅၀ ပေ၊ ထု ၂ လက်မ ကတ္တရာ ကွန်ကရစ် (AC) ထပ်ပိုးလွှာ ခင်း၍ လမ်းအဆင့်မြှင့်တင်ခြင်း လုပ်ငန်းခွင်သို့ သွားရောက် ကြည့်ရှုစစ်ဆေးပြီး သတ်မှတ် စံချိန်စံညွှန်းနှင့်အညီ အချိန်မီ ပြီးစီးရေး ဆောင်ရွက်ရန် မှာကြားကာ လိုအပ်သည်များ ဖြည့်ဆည်းဆောင်ရွက်ပေး သည်။

မိုးမြင့်မောင်