ရန်ကုန် ဧပြီ ၂၁
ရေနံချောင်းမြို့နယ်၊ ပြန်ကြားရေးနှင့် ပြည်သူ့ဆက်ဆံရေးဦးစီး ဌာနက ဒေသခံပြည်သူများအား တစ်နိုင်တပိုင်လုပ်ငန်းများဖြင့် မိသားစုဝင်ငွေရရှိစေရေးအတွက် အလှူ၊ မင်္ဂလာပွဲများတွင် အသုံးပြု သည့် စက္ကူယပ်တောင်ပြုလုပ်နည်း သင်တန်းကို ဖွင့်လှစ်သင်ကြား ပေးလျက်ရှိသည်။ (ပုံ)
စက္ကူယပ်တောင်လုပ်ငန်းသည် အရင်းအနှီး နည်းနည်းဖြင့် မိသားစု တစ်နိုင်တပိုင်လုပ်ကိုင်နိုင်သည့် လုပ်ငန်းဖြစ်ပြီး အလှူ၊ မင်္ဂလာပွဲများနှင့် သာရေးနာရေးပွဲများတွင် အသုံးများသည့်အတွက် မိသားစုဝင်ငွေတိုးပွားစေရန် စက္ကူယပ်တောင်လုပ်ငန်းရှင်တစ်ဦးက ဝါး၊ ရောင်စုံစက္ကူများဖြင့် ယပ်တောင်ပြုလုပ်နည်း အဆင့်ဆင့်ကို လက်တွေ့သရုပ်ပြ သင်ကြားပေးသည်။
ဆန်းညွန့်-ရေနံချောင်း