မှော်ဘီမြို့နယ်နှင့် တိုက်ကြီးမြို့နယ်အတွင်းရှိ ဓာတ်အားခွဲရုံများအား ကွင်းဆင်းစစ်ဆေး

ရန်ကုန် ဧပြီ ၂၀ လျှပ်စစ်စွမ်းအားဝန်ကြီး ဌာန၊ ရန်ကုန်လျှပ်စစ်ဓာတ်အား ပေးရေးကော်ပိုရေးရှင်း ဥက္ကဋ္ဌ ဦးအောင်ကျော်ဦးသည် ရုံးချုပ် မှ တာဝန်ရှိသူများနှင့်အတူ ဧပြီ ၁၈ ရက်က ရန်ကုန်တိုင်းဒေသကြီး မှော်ဘီမြို့နယ်၊ 33/ 11 KV, 5 MVA ဖူးကြီး ဓာတ်အားခွဲရုံသို့ သွားရောက်၍ ဓာတ်အား ဖြန့်ဖြူးမှု အခြေအနေများ၊ ခွဲရုံကြံ့ခိုင်ရေး အခြေအနေများ၊ ခွဲရုံးအတွင်းအပြင် သန့်ရှင်း သာယာလှပရေး ဆောင်ရွက် ထားရှိမှုများကို ကြည့်ရှု စစ်ဆေးသည်။ ထို့နောက် တိုက်ကြီး မြို့နယ် 33/ 11 KV, 2 MVA ကျောက်တောင် ဓာတ်အားခွဲရုံ တည်ဆောက်ပြီးစီးမှု အခြေ အနေများနှင့် ကျားချောင်း ကျေးရွာ ဧက ၂၀၀၀ မွေးမြူရေး ဇုန်ရှိ 33/ 11 KV, 5 MVA ဓာတ်အားခွဲရုံ တည်ဆောက် မည့် မြေနေရာသို့ သွားရောက် ကွင်းဆင်း ကြည့်ရှုစစ်ဆေး ကာ လိုအပ်သည်များ မှာကြား ဖြည့်ဆည်း ဆောင်ရွက်ပေးသည်။ ဆက်လက်၍ တိုက်ကြီး မြို့နယ် လျှပ်စစ်မန်နေဂျာရုံးရှိ 33/ 11 KV, (10+10) MVA မြို့ရုံး ဓာတ်အားခွဲရုံကို ကြည့်ရှု စစ်ဆေး၍ ရန်ကုန်တိုင်းဒေသ ကြီးအတွင်း စဉ်ဆက်မပြတ် ဓာတ်အားပေးနိုင်ရေးအတွက် ဓာတ်အားခွဲရုံများ ထရန်စဖော် မာများ လောင်ကျွမ်းမှုမရှိစေ ရေး၊ မီးဘေးအန္တရာယ်၊ လျှပ်စစ် အန္တရာယ် ကင်းရှင်းရေး၊ ဓာတ်အားပျောက်ဆုံးမှု လျော့နည်း ကျဆင်းရေး၊ ခွဲရုံအင်္ဂါရပ်များ နှင့်အညီ သန့်ရှင်းသာယာလှပ မှုရှိစေရေး ဆောင်ရွက်ရန်တို့ကို မှာကြားသည်။

ချစ်ဆောင် (YESC)