ရန်ကုန် ၊ ဇွန် ၊ ၃၀
ရန်ကုန်တိုင်းဒေသကြီး အစိုးရအဖွဲ့ ၀န်ကြီးချုပ် ဦးဖြိုးမင်းသိန်းသည် ရန်ကုန်မြို့တော်၀န် ဦးမောင်မောင်စိုးနှင့်အတူ သင်္ဃန်းကျွန်းမြို့နယ်
မြန်မာနိုင်ငံ ဆောက်လုပ်ရေးလုပ်ငန်းရှင်များအသင်းရုံး ၊ အစည်းအဝေးခန်းမ၌ ဇွန်လ ၃၀ ရက်
မွန်းလွဲ ၁ နာရီ ကပြုလုပ်သည့်မြန်မာနိုင်ငံ ဆောက်လုပ်ရေးလုပ်ငန်းရှင်များအသင်းချုပ် မှအောင်မြင်စွာတည်ဆောက်ပြီးစီးခဲ့သည့် COVID -19 Medical Center Phaunggyi အား ရန်ကုန်
တိုင်းဒေသကြီး အစိုးရအဖွဲ့ထံလွဲပြောင်းပေးအပ်လှူဒါန်းခြင်းအခမ်းအနားသို့တက်ရောက်ခဲ့ကြသည်၊၊
ရှေးဦးစွာ၀န်ကြီးချုပ်မှအမှာစကားပြောကြားခဲ့
ပြီးရန်ကုန်တိုင်းဒေကြီးအစိုးရအဖွဲ့
မြို့တော်၀န် ဦးမောင်မောင်စိုးမှဆွေးနွေးလမ်းညွှန်
အမှာစကားပြောကြားခဲ့သည်၊၊ဆက်လက်၍အ
သင်းချုပ်ဥက္ကဌ ဦးရှိန်၀င်းမှနှုတ်ခွန်းဆက်စကား
ပြောကြားကာ ဆောက်လုပ်ရေးလုပ်ငန်းရှင်များအသင်းချုပ် ဥက္ကဌဦးရှိန်ဝင်းမှ နှုတ်ခွန်းဆက်စကားပြောကြားခဲ့ကြောင်းသိရသည်၊၊ထို့နောက် ရန်ကုန်တိုင်းဒေသကြီးဝန်ကြီးချုပ်ဦးဖြိုးမင်းသိန်းမှ ဆောက်လုပ်ရေးလုပ်ငန်းရှင်များအသင်းချုပ်အားဂုဏ်ပြုမှတ်တမ်းလွှာပေးအပ်ပြီးအသင်းချုပ် ဥက္ကဌဦးရှိန်ဝင်းမှရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းအား အမှတ်တရလက်ဆောင်များပြန်လည်ပေးအပ်ခဲ့ကြသည်။
ယင်းနောက် ဝန်းကြီးချုပ်နှင့်တာဝန်ရှိသူများသည် ဗိုလ်တထောင်မြို့နယ် မြန်မာနိုင်ငံလိုင်စင်ရကန်ထရိုက်တာများအသင်းရုံးအစည်းအဝေး
သို့သွားရောက်၍ မြန်မာနိုင်ငံလိုင်စင်ရကန်ထရိုက်တာများအသင်းချုပ်တာ၀န်ရှိသူများနှင့်တွေ့
ဆုံခဲ့သည်၊၊
ထို့နောက် မြန်မာနိုင်ငံလိုင်စင်ရကန်ထရိုက်တာများအသင်းရုံး ဥက္ကဌ ဦးကျော်၀င်းနှင့်တာ၀န်ရှိသူများ က လက်ရှိဆောင်ရွက်နေသောလုပ်ငန်းများနှင့်ဆက်လက်လုပ်ဆောင်မည့်လုပ်ငန်းအခြေအနေများကိုရှင်းလင်းတင်ပြခဲ့ကြပြီး
ဝန်ကြီးချုပ်မှတင်ပြချက်များအပေါ် လုပ်ငန်းလမ်းညွှန်အမှာစကားပြောကြားခဲ့သည်၊၊ယင်းေနာက်ရန်ကုန်မြို့တော်၀န်ဦးမောင်မောင်စိုး မှ ဖြည့်စွက်ဆွေးနွေးခဲ့သည်၊၊
ထို့နောက် မြန်မာနိုင်ငံလိုင်စင်ရကန်ထရိုက်တာများအသင်းချုပ်တာ၀န်ရှိသူများမှ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းနှင့်ရန်ကုန်မြို့တော်ဦးမောင်မောင်စိုးတို့အား လက်ဆောင်များပေးအပ်ခဲ့ကြကြောင်းသိရသည်။
ကျော်သူထက်