တာမွေမြို့နယ်တွင် ရေစီးရေလာကောင်းမွန်စေရေးအတွက် အုတ်ရေမြောင်းများ ဖောက်လုပ်ခြင်း လုပ်ငန်းဆောင်ရွက်
ရန်ကုန် ဇွန် ၃၀
ရန်ကုန်မြို့တော်စည်ပင်သာယာရေးကော်မတီအနေဖြင့် မြို့တော်အတွင်း ပတ်ဝန်းကျင်သန့်ရှင်းသာယာ လှပစေရေး၊ လမ်းပန်းဆက်သွယ်မှု အဆင်ပြေချောမွေ့စေရေးနှင့် ရေစီးရေလာကောင်းမွန်စေရေးတို့ အတွက် စဉ်ဆက်မပြတ် ကြိုးပမ်းဆောင်ရွက်လျက်ရှိရာ ဇွန် ၃၀ ရက် နံနက်ပိုင်းအချိန် ရန်ကုန်မြို့တော်စည်ပင်သာယာရေးကော်မတီ အင်ဂျင်နီယာဌာန(လမ်းနှင့်တံတား)မှ ဦးဆောင်၍ ရန်ကုန်တိုင်းဒေသကြီး ရန်ကုန်အရှေ့ပိုင်းခရိုင် တာမွေမြို့နယ်ရှိ ဗညားဒလလမ်းတစ်လျှောက် အုတ်ရေမြောင်း ဖောက်လုပ်ခြင်း လုပ်ငန်း ဆောင်ရွက်ပေးလျက်ရှိကြောင်း တွေ့ရစဉ်။
နိုင်လင်းအောင်(ပြန်/ဆက်)
