ဂျေရုဆလင် ဩဂုတ် ၁၀
ကိုရိုနာဗိုင်းရပ်စ် မျိုးဗီဇကွဲအသစ် EG.5.1 သည် ကမ္ဘာတဝှမ်း စတင်ပျံ့နှံ့ နေပြီး အစ္စရေးလ်တွင် အများဆုံး ကူးစက်နေကြောင်း ကျန်းမာရေး ပညာရှင်များက သြဂုတ် ၉ ရက်တွင် ပြောသည်။
အဆိုပါမျိုးဗီဇကွဲကို နိုင်ငံပေါင်း ၃၆ နိုင်ငံတွင် တွေ့ရှိထားကာ အစ္စရေးလ်တွင် အနည်းဆုံး ၂၀ ဦး ကျော် ကူးစက်ခံထားရကြောင်း၊ ဗြိတိန်တွင်လည်း ကူးစက်နေပြီး ကိုဗစ်-၁၉ ကြောင့် ဆေးရုံတက် ကုသခံယူမှု ပိုမို များပြားလာကြောင်း ကျန်းမာရေး အရာရှိများက ဆိုသည်။
ဗိုင်းရပ်စ်ပညာရှင်များက ထိုမျိုး ဗီဇကွဲကို 'အဲရစ်'ဟု အမည်ပြောင် ခေါ်ဝေါ်ကြပြီး ကူးစက်မှုများလာ ခြင်းကြောင့် ဇူလိုင်အစောပိုင်းက တည်းကပင် EG.5.1 ကို သတိထား စောင့်ကြည့်နေရကြောင်း သိရသည်။
ဇူလိုင်လကုန်အထိ ကိုရိုနာဗိုင်း ရပ်စ်ကူးစက်မှုများ၏ ၁၁ ဒသမ ၈ ရာခိုင်နှုန်းသည် EG.5.1 ဖြစ်ပြီး ၁၄ ဒသမ ၅၅ ရာခိုင်နှုန်း ရှိလာကြောင်း သိရသည်။
WHO ၏ ကိုဗစ်-၁၉ နည်းပညာ ပိုင်းခေါင်းဆောင် 'မာရီယာဗန်ကာ ခို့ဗ်'ကမူ ယခုဗိုင်းရပ်စ်မျိုးကွဲသစ် ကို စောင့်ကြည့်ခြင်း၊ သတင်းတင်ပြ ခြင်း၊ မျိုးဗီဇကွဲများ ခြေရာခံခြင်း၊ ကာကွယ်ဆေးရရှိခြင်းနှင့် ဆက်သွယ် ရေးစသည့် ကဏ္ဍများ စနစ်တကျ တည်ဆောက်ရန် တိုက်တွန်း ထား သည်။
(ref: AFP)