ရန်ကုန် မတ် ၁၄
စင်ကာပူနိုင်ငံတွင် မတ် ၈ ရက် မှ ၁၅ ရက်ထိကျင်းပလျက်ရှိသည့် 7th ASEAN Inline freestyle Championships ပြိုင်ပွဲ တွင် မြန်မာနိုင်ငံစကိတ်စီးအားကစား အသင်းက အားကစားသမားများ ငွေနှစ်ခု ဆွတ်ခူးရရှိထားကြောင်း သိရသည်။
အဆိုပါပြိုင်ပွဲတွင် မြန်မာမှ Junior Battle Slide U-15-Women နှင့် Junior Battle Slide U-17-men တို့ ၀င်ရောက်ပြိုင်ကြသည်။ ခြေစစ်ပွဲတွင် ကစားသမားသုံးဆယ်ဦးစီ ယှဉ်ပြိုင်ခဲ့ကြသည်။ ခြေစစ်ပွဲအောင်ခဲ့ပြီး ကွာတား၊ ဆီမီးဖိုင်နယ် တက်ရောက်ခဲ့သည်။
ဗိုလ်လုပွဲပြိုင်ပွဲ၌ အသက် ၁၅ နှစ် အောက်တွင် အင်ဒိုနီရှားက ပထမ၊ မြန်မာ က မပြည့်ပြည့်ဖြိုး(ခ)မွှေးမွှေးက ဒုတိယ၊ ထိုင်းက တတိယရရှိခဲ့ပြီး အသက် ၁၇ နှစ် အောက်၌ အင်ဒိုနီးရှားက ပထမ၊ မြန်မာ က မောင်ဇွဲပြည့်ထွန်းက ဒုတိယ၊ အင်ဒို နီးရှားက တတိယ အသီးသီးရရှိကြသည်။
အဆိုပါပြိုင်ပွဲသို့ မြန်မာနိုင်ငံစကိတ်စီး အားကစားအသင်း၊ နည်းပြချုပ် ဦးသက် ခိုင်ဦး၊ အားကစားသမားများဖြစ်ကြသော မောင်ဇွဲပြည့်ထွန်း၊ မောင်ထူးလင်းမြတ်နှင့် မပြည့်ပြည့်ဖြိုး(ခ) မွှေးမွှေးတို့ ၀င်ရောက် ယှဉ်ပြိုင်ကြသည်။
ပြိုင်ပွဲတွင် အာဆီယံနိုင်ငံများအပြင် အိန္ဒိယ၊ တရုတ်တိုင်ပေ၊ ကိုရီးယားနှင့်ဂျပန် နိုင်ငံတို့က အားကစားသမားများ ၀င်ရောက် ယှဉ်ပြိုင်ခဲ့ကြကြောင်းသိရသည်။
အောင်မြင့်ဌေး(မြို့တော်သတင်း)