တောင်ကိုရီးယားသမ္မတ ဂျပန်သို့ သွားမည်
တိုကျို မတ် ၁၁
တောင်ကိုရီးယားသမ္မတ ယွန်း ဆက်ယိုလ်သည် ဆွေးနွေးပွဲများ ကျင်းပရန်အတွက် လာမည့် မတ် ၁၆ ရက် နှင့် ၁၇ ရက်များတွင် ဂျပန်နိုင်ငံ တိုကျိုမြို့တော်သို့ လာရောက်မည် ဖြစ်ကြောင်း ဂျပန်ဝန်ကြီးချုပ် ဖူမီယို ကီရှီဒါ က ထုတ်ပြန်ပြောကြားသည်။
တောင်ကိုရီးယား သမ္မတ ယွန်း သည် ဂျပန်အစိုးရ၏ ကမ်းလှမ်း ချက်ကြောင့် လာရောက်မည် ဖြစ်ပြီး ယခုခရီးစဉ်သည် ဂျပန်နှင့် တောင် ကိုရီးယား အိမ်နီးချင်း နှစ်နိုင်ငံ ကြား ဆက်ဆံရေးများကို ခိုင်မာလာစေမည့် အခွင့်အလမ်းတစ်ရပ်ဖြစ်ရန် မျှော်လင့် ကြောင်း မစ္စတာ ကီရှီဒါ က ပြော သည်။
တောင်ကိုရီးယားခေါင်းဆောင်ကို ဂျပန်အစိုးရ၏ ဖိတ်ကြားမှုသည် သမ္မတယွန်းဆက်ယိုလ် တာဝန်ယူပြီး နောက်ပိုင်း နှစ်နိုင်ငံဆက်ဆံရေး အနီးကပ်ရှိသည့် ပြယုဂ်တစ်ခု ဖြစ် ကြောင်း ဂျပန်အစိုးရအဖွဲ့ အတွင်း ရေး မှူးချုပ် ဟီရိုကဇု မာဆွတ်နိုက ပြော သည်။
၁၉၁၀-၄၅ ကိုလိုနီခေတ်အတွင်း ဂျပန်၏ အတင်းအဓမ္မ အလုပ်စေခိုင်း ခံခဲ့ရသည့် တောင်ကိုရီးယား အလုပ် သမားများကို နစ်နာကြေးပေးရန် တောင်ကိုရီး ယားအစိုးရက ဒေသတွင်း ရန်ပုံငွေ ကောက်ခံပေးမည်ဟု ပြော ကြားပြီးနောက် သုံးရက် အကြာတွင် သမ္မတယွန်း၏ ဂျပန် ခရီးစဉ် ထွက်ပေါ် လာခြင်းဖြစ်သည်။
(ref: AFP)
