မင်္ဂလာတောင်ညွန့်မြို့နယ်အတွင်း သန့်ရှင်းသာယာသပ်ရပ်စေရေးဆောင်ရွက်
မင်္ဂလာတောင်ညွန့်မြို့နယ်အတွင်း သန့်ရှင်းသာယာသပ်ရပ်စေရေးအတွက် စဉ်ဆက်မပြတ် ဆောင်ရွက်လျက်ရှိရာ ဖေဖော်ဝါရီ ၁၆ ရက်က မြို့နယ်စည်ပင်သာယာအုပ်ချုပ်ရေးမှူးရုံး၊ ဌာနများက တွဲဖက်ဝန်ထမ်းများပူးပေါင်းအင်အား ၄၃ ဦးဖြင့် ဗိုလ်မင်းရောင်လမ်း ရေစီးရေလာကောင်းမွန်စေရေး အတွက် အလျား ၆၀ ပေ၊ အကျယ် ၁၂ ပေ၊ ရေအနက် ၂ ပေရှိ ရေမြောင်းကြီးအတွင်းမှ အမှိုက်များဆယ်ယူ ခြင်း၊ စိမ်းလန်းစိုပြည်စေရေးအတွက် ကန်ရိပ်သာလမ်းနှင့် အထက်ပန်းဆိုးတန်းလမ်း၊ ကန်တော်ကြီး ဟိုတယ်ရှေ့တြိဂံပန်းခြံအတွင်းမြက်ခင်းများဖြတ်ညှိခြင်း၊ ပုဏ္ဏရိပ်ပင်များပုံသွင်း၍ မြေယာရှုခင်း ပြုလုပ်ခြင်း၊ သန့်ရှင်းသပ်ရပ်စေရေးအတွက် ဒေါ်သိန်းတင်လမ်းနှင့် သိမ်ဖြူလမ်းတို့တွင် ယာဉ်ရပ်နား ရန် နေရာဦးထားမှုများကို ဖယ်ရှားရှင်းလင်းခြင်း၊ အထက်ပုဇွန်တောင်လမ်း၊ စက်ရုံလမ်း (မင်္ဂလာ ဈေးရှေ့)နှင့် ဗညားဒလလမ်း(ယုဇနပလာဇာရှေ့)တို့တွင် လမ်းဘေးဈေးသည်များအား စည်းကမ်း ထိန်းသိမ်းခြင်းတို့ကိုဆောင်ရွက်ကြစဉ်။
ယဉ်မွန်
