ဝါရှင်တန်၊ ဇန်နဝါရီ ၁၅
အမေရိကန်ပြည်ထောင်စု ဂျော်ဂျီယာ နှင့် အယ်လ်ဘားမား ပြည်နယ်များ၌ မုန်တိုင်းနှင့် လေဆင်နှာမောင်းဝင်ရောက် တိုက်ခတ်သဖြင့် အနည်းဆုံး လူ ၉ ဦး သေဆုံးသွားကြောင်း ဇန်နဝါရီ ၁၄ ရက် သတင်းများတွင် ဖော်ပြချက်အရ သိရ သည်။
လက်ရှိအချိန်ထိ ရှာဖွေရေးနှင့် ကယ်ဆယ်ရေးလုပ်ငန်းများ လုပ်ဆောင် နေဆဲဖြစ်ပြီး အဆိုးရွားဆုံး ထိခိုက်ခဲ့သည့် အယ်လ်ဘားမား အလယ်ပိုင်းတွင် လူသေ ဆုံးမှု တိုးလာနိုင်သည်ဟု တာဝန်ရှိသူများ က ပြောကြားသည်။
ထို့ပြင် မုန်တိုင်းကြောင့် အမေရိကန် အရှေ့တောင်ဒေသတစ်ဝန်းရှိ သောင်းနှင့် ချီသော နေအိမ်များသည် လျှပ်စစ်မီး ပြတ်တောက်နေပြီး လမ်းများလည်း အပျက်အစီးများကြောင်း သိရသည်။
အဆိုပါ လေဆင်နှာမောင်းကြောင့် အယ်လ်ဘားမားပြည်နယ်အလယ်ပိုင်း၌ လူ ခုနစ်ဦးသေဆုံးပြီး ဂျော်ဂျီယာပြည်နယ် ၌ ငါးနှစ်အရွယ် ကလေးငယ်တစ်ဦးနှင့် အခြားတစ်ဦးတို့ သေဆုံးသွားကြောင်း သိရသည်။
ရဲခေါင် (ref:AFP)