မင်္ဂလာဒုံမြို့နယ်အတွင်း သန့်ရှင်းသာယာသပ်ရပ်စေရေးဆောင်ရွက်
မင်္ဂလာဒုံမြို့နယ်အတွင်း သန့်ရှင်းသာယာသပ်ရပ်စေရေးအတွက် မြို့နယ်စည်ပင်သာယာ အုပ်ချုပ်ရေးမှူး၏ကြီးကြပ်မှုဖြင့် စဉ်ဆက်မပြတ်ဆောင်ရွက်ရာတွင် နိုဝင်ဘာ ၂၂ ရက်က မြို့နယ် စည်ပင်သာယာအုပ်ချုပ်ရေးမှူးရုံးနှင့် ဌာနများကတွဲဖက်ဝန်ထမ်းများ ပူးပေါင်းအင်အား ၅၃ ဦးဖြင့် ပြည်လမ်းတစ်လျှောက်ရှိ လူသွားစင်္ကြံကတ်တုံးများ ချေးချွတ်ရေဆေး၍ သန့်ရှင်းရေးပြုလုပ်ခြင်း၊ ဘိုခြံလမ်းတစ်လျှောက် လမ်းဘေးဝဲယာရှိ မြက်ပင်ချုံနွယ်များ ခုတ်ထွင်ရှင်းလင်းခြင်း၊ နာရီစင်လမ်း အတွင်းရှိ စည်းကမ်းမဲ့အမှိုက်များ လှည်းကျင်းသိမ်းဆည်းခြင်း၊ ရေမြောင်းများအတွင်း ရေစီးရေလာ ကောင်းမွန်စေရေးအတွက် အမှိုက်နှင့်မြောင်းချေးများဆယ်ယူရှင်းလင်းခြင်း၊ မြေသားမြောင်းများ တူးဖော်ခြင်းတို့ကို ဆောင်ရွက်ကြစဉ်။
ယဉ်မွန်
