ဓာတ်အားလိုင်းနှင့် မလွတ်ကင်းသော သစ်ပင်သစ်ကိုင်းများ ခုတ်ထွင်ရှင်းလင်း

ရန်ကုန်   နိုဝင်ဘာ  ၂၂

အများပြည်သူ လျှပ်စစ်အန္တရာယ်ကင်းရှင်းရေး၊ ဓာတ်အား ပျောက်ဆုံးမှုလျော့နည်းရေး၊ ဗို့အားပြည့်ဝစွာရရှိရေး၊ ဓာတ်အား ပြတ်တောက်မှုမရှိစေရေးတို့အတွက် ရန်ကုန်တိုင်းဒေသကြီး၊ ကော့မှူး၊ ကွမ်းခြံကုန်း၊ တွံတေး၊ကျိုက်ထော်၊ လက်ခုပ်ကုန်း၊ ဆိပ်ကြီးခနောင်တို၊ လှိုင်သာယာ(အရှေ့ပိုင်း) မြို့နယ်များတွင် 33kV လှိုင်သာယာ - ကွမ်းခြံကုန်း ဓာတ်အားလိုင်းနှင့် မလွတ်ကင်း သောသစ်ပင်သစ်ကိုင်းများ ခုတ်ထွင်ရှင်းလင်းခြင်းလုပ်ငန်းကို တောင်ပိုင်းခရိုင်နှင့် မြောက်ပိုင်းခရိုင် လျှပ်စစ်မန်နေဂျာရုံးကွပ်ကဲမှု အောက်ရှိ မြို့နယ်လျှပ်စစ်မန်နေဂျာရုံးများမှ ထုတ်နှုတ်စုဖွဲ့ဝန်ထမ်း အင်အား  ၅၆ ဦးတို့ဖြင့်  ၂၀၂၂ ခုနှစ် နိုဝင်ဘာ ၂၀ ရက် နံနက် ၁၁ နာရီမှ မွန်းလွဲ ၂ နာရီအထိ ဆောင်ရွက်ကြသည်။

ထိုသို့ဆောင်ရွက်နေမှုများကို ရန်ကုန်လျှပ်စစ်ဓာတ်အားပေးရေး ကော်ပိုရေးရှင်း၊ ရုံးချုပ်မှ ဒုတိယအထွေထွေမန်နေဂျာ (အင်ဂျင်နီယာ) ဓာတ်အားဖြန့်ဖြူးရေးဌာန၊ တောင်ပိုင်းခရိုင် လျှပ်စစ်မန်နေဂျာ(စီမံ)၊ တောင်ပိုင်းခရိုင် လျှပ်စစ်အင်ဂျင်နီယာတို့က အနီးကပ်ကြီးကြပ် ဆောင်ရွက်ကြကြောင်း သတင်းရရှိပါသည်။

YESC