လှိုင်သာယာ(အရှေ့ပိုင်း) မြို့နယ်အတွင်း သန့်ရှင်းသာယာသပ်ရပ်စေရေးဆောင်ရွက်
လှိုင်သာယာ(အရှေ့ပိုင်း) မြို့နယ်အတွင်း သန့်ရှင်းသာယာသပ်ရပ်စေရန် နိုဝင်ဘာ ၁၉ ရက်၊ နံနက်ပိုင်းက အမှတ် ၆ ရပ်ကွက်၊ ရန်ကုန် - ညောင်တုန်းလမ်းရှိ ပြည်သူ့ဆေးရုံကြီးဝင်း၌ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် စည်ပင်သာယာအုပ်ချုပ်ရေးမှူးတို့၏ ကြီးကြပ်မှုဖြင့် ဌာနဆိုင်ရာဝန်ထမ်းများ၊ လူမှုရေးအသင်းအဖွဲ့များ၊ ရပ်ကွက်နေပြည်သူများ ပူးပေါင်းအင်အား ၂၀၀ ဦးဖြင့် မြက်ပင်ချုံနွယ်များ ခုတ်ထွင် ရှင်းလင်းခြင်း၊ အုပ်မိုးကိုင်းများ ခုတ်၍ အလင်းဖွင့်ခြင်း၊ ရေမြောင်းများအတွင်း အမှိုက်၊ မြောင်းချေး၊ နုန်းများ ဆယ်ယူရှင်းလင်းခြင်း၊ သွေးလွန်တုပ်ကွေးရောဂါကြိုတင်ကာကွယ်နိုင်ရန်အတွက် ခြင်ဆေးမှုတ်ခြင်း၊ ရေကန်များ အဘိတ်ဆေးခတ်ခြင်း၊ ဆေးရုံကြီးဝင်းအတွင်း သန့်ရှင်းရေးပြုလုပ်ခြင်းများ ဆောင်ရွက်ကြစဉ်။ သွင်မောင်မောင်
