လမ်းများကောင်းမွန်ရေးလုပ်ငန်းဆောင်ရွက်မှုများ ရန်ကုန်မြို့တော်ဝန် ကွင်းဆင်းစစ်ဆေး

ရန်ကုန် နိုဝင်ဘာ ၂၀

ရန်ကုန်တိုင်း ဒေသကြီး စည်ပင်သာယာရေး ဝန်ကြီး၊ ရန်ကုန်မြို့တော်စည်ပင်သာယာ ရေးကော်မတီဥက္ကဋ္ဌ(မြို့တော်ဝန်) ဦးဗိုလ်ဌေးသည် တာဝန်ရှိသူ များလိုက်ပါလျက် ယနေ့ နံနက် ပိုင်းက ရန်ကုန်မြို့တော်စည်ပင် သာယာရေးကော်မတီ၊ အင်ဂျင် နီယာဌာန (လမ်းနှင့် တံတား) က ဆောင်ရွက်လျက်ရှိသည့် တွံတေးမြို့နယ်၊ ကွင်းပေါက် ကျေးရွာမှ ခရမ်းဝကျေးရွာအထိ ကုန်ထုတ်လမ်းမကြီးကို ကွန် ကရစ်လမ်း ခင်းကျင်းနေမှု၊ ကွင်းပေါက်-ခရမ်းဝ ကားလမ်း ဘေး ကွန်ကရစ်ဖျော်စက် တည် ဆောက်ထားရှိမှု၊ ဒလမြို့နယ်၊ ဆိပ်ကြီးတံတားမှ မြဝတီမင်းကြီး လမ်းအထိ ဒလ-တွံတေး ကား လမ်းမ လမ်းဘေးဝဲ/ယာ ကွန် ကရစ် လမ်းသားတိုးချဲ့ခင်းကျင်း နေမှု၊ ဒလ-တွံတေးလမ်းနှင့် ဗိုလ်တေဇ လမ်းထောင့်အနီး သန့်ရှင်းသာယာရေး လုပ်ငန်း များဆောင်ရွက်နေမှု၊ ဘုရင့်နောင် ရပ်ကွက်၊ ဆင်ဖြူရှင်လမ်း ကွန် ကရစ် ခင်းကျင်းနေမှုတို့ကို သွားရောက်ကြည့်ရှုစစ်ဆေးကြ သည်။

ရှေးဦးစွာ မြို့တော်ဝန်နှင့် အဖွဲ့သည် တွံတေးမြို့နယ်၊ ကွင်းပေါက်ကျေးရွာသို့ သွား ရောက်၍ ကျေးလက်လမ်းဖွံ့ဖြိုး ရေးဦးစီးဌာနက ဖောက်လုပ်ခင်း ကျင်းခဲ့သည့် ခရမ်းဝ-ရေတွင်း ကုန်း မြေသားလမ်းနှင့်ဆက်စပ် ၍ ခရမ်းဝရွာမှ ကွင်းပေါက်ရွာ အထိ အရှည် ၄ ဒသမ ၀၂၈ မိုင် မြေသားလမ်းကို အင်ဂျင်နီယာ ဌာန (လမ်းနှင့်တံတား) က အောက်ခံထု ၆ လက်မ အပေါ် ၈ လက်မထုဖြင့် ကွန်ကရစ် ကုန်ထုတ်လမ်း ခင်းကျင်းနေမှု တို့ကို ကြည့်ရှုစစ်ဆေးပြီး ကွင်း ပေါက်ကျေးရွာသူ၊ ကျေးရွာသား များနှင့် ရင်းရင်းနှီးနှီး တွေ့ဆုံ နှုတ်ဆက်ပြီး လမ်းခင်းရာတွင် ကျေးရွာသူ၊ ကျေးရွာသားများ က လိုအပ်သည်များ ကူညီ ဆောင်ရွက်ပေးရန် လုပ်ငန်းခွင် အတွင်း သတ်မှတ်စံချိန်စံညွှန်း နှင့်အညီဆောင်ရွက်ရန် မှာကြား သည်။

အဆိုပါ ကုန်ထုတ်လမ်း ခင်းကျင်းပြီးစီးပါက  တွံတေးမြို့နယ်အတွင်းရှိ လယ် ယာ စိုက်ပျိုးရေး၊ ဆန်စပါးနှင့် ငါးမွေးမြူရေးလုပ်ငန်းများ ပိုမို ဖွံ့ဖြိုးလာနိုင်မည်ဖြစ်ကြောင်း သိ ရသည်။

ထို့နောက် မြို့တော်ဝန်နှင့် အဖွဲ့သည် ခရမ်းဝ-ကွင်းပေါက် ကုန်ထုတ်လမ်းမအနီး အင်ဂျင် နီယာဌာန (လမ်းနှင့်တံတား)က တစ်နာရီလျှင် ၁၆ ကုဗမီတာ ထုတ်လုပ်နိုင်သည့် ကွန်ကရစ် ဖျော်စက် တည်ဆောက်ထားရှိ မှုကို ကြည့်ရှုစစ်ဆေးပြီး လိုအပ် သည်များ မှာကြားသည်။

ယင်းနောက် မြို့တော်ဝန် နှင့်အဖွဲ့သည် ဒလမြို့နယ်၊ ကျန်စစ်သားရပ်ကွက်၊ ဒလ - တွံတေး ကားလမ်းမပေါ်ရှိ ဆိပ်ကြီးတံတားနှင့် မြဝတီ မင်းကြီးလမ်းအကြား အင်ဂျင် နီယာဌာန (လမ်းနှင့်တံတား)က လမ်းဘေးဝဲ/ယာ အရှည်ပေ ၄၁၀၀၊ အကျယ်တစ်ဖက် ၁၅ ပေ၊ ထု ၉ လက်မဖြင့် ကွန်ကရစ် လမ်းသား တိုးချဲ့ခင်းကျင်းနေမှု ကို ကြည့်ရှုစစ်ဆေးပြီး လိုအပ် သည်များ မှာကြားသည်။

ဆက်လက်၍ မြို့တော်ဝန် နှင့်အဖွဲ့သည် ဒလ-တွံတေးလမ်း နှင့်ဗိုလ်တေဇလမ်းထောင့်အနီး လမ်းဘေးဝဲ/ယာ သန့်ရှင်းသာယာ ရေးအတွက် မြက်ပင်ချုံနွယ်များ ခုတ်ထွင်ရှင်းလင်းနေမှု၊ ဘုရင့် နောင်ရပ်ကွက်၊ ဆင်ဖြူရှင် လမ်း အင်ဂျင်နီယာဌာန(လမ်း နှင့်တံတား)က အရှည်ပေ ၁၉၀၀၊ အကျယ် ၂၄ ပေ၊ ထု ၉ လက်မ ကွန်ကရစ် ခင်းကျင်းနေမှုတို့ကို ကြည့်ရှုစစ်ဆေးပြီး လမ်းဘေး ဝဲ/ယာ သန့်ရှင်းသာယာသပ်ရပ် ရေး၊ မြောင်းဖုံးပေါ်ရှိ ကျူးကျော် နေအိမ်များ ဖယ်ရှားရေးနှင့် အမှိုက်ကန်များကို စနစ်တကျ ထားရှိရေး ဆောင်ရွက်ရန် မှာကြားပြီး လိုအပ်သည်များ ဖြည့်ဆည်း ဆောင်ရွက်ပေးခဲ့ ကြောင်း သိရသည်။

သတင်း-မိုးမြင့်မောင်

ဓာတ်ပုံ-မိုးဝေ