ရန်ကုန်၊ ဩဂုတ် ၁၄
ရန်ကုန်တိုင်းဒေသကြီး၊ မှော်ဘီမြို့နယ်တွင် အားကစားနှင့် ကာယပညာဦးစီး ဌာနမှကြီးမှူး၍ မြန်မာနိုင်ငံရိုးရာခြင်းလုံးအဖွဲ့ချုပ်နှင့် ပညာရေးဦးစီးဌာနတို့ ပူး ပေါင်းဖွင့်လှစ်သည့် မိုးရာသီ အခြေခံ ဘောလုံး၊ ရိုးရာခြင်းလုံး၊ အေရိုးဗစ် သင်တန်း ဆင်းပွဲကို ယမန်နေ့က အမှတ်-၂ အခြေခံပညာအထက်တန်းကျောင်း ရွှေရတုခန်းမ ၌ ကျင်းပသည်။
အဆိုပါ အခမ်းအနားတွင် အ.ထ.က ၂ ဘင်ခရာ ကျောင်းသား/ကျောင်းသူများ က တီးခတ်ပြီး နိုင်ငံတော်အလံအားအလေးပြု၍ အခမ်းအနားဖွင့်လှစ်သည်။
ထို့နောက် မြန်မာနိုင်ငံ ရိုးရာခြင်းလုံးအဖွဲ့ချုပ် ဒုဥက္ကဋ္ဌ ဦးဝင်းတင်ကိုက အဖွင့် အမှာစကားပြောကြားပြီး သင်တန်းဆင်းလက်မှတ်များပေးအပ်ခြင်း၊ သင်တန်းနည်း ပြများအား ထောက်ပံ့ငွေပေးအပ်ခြင်း၊ ရိုးရာခြင်းလုံးသရုပ်ပြခြင်း၊ ကျား/မ အုပ်စု ကဗျာလွတ်အကဖြင့် ဖျော်ဖြေခြင်း၊ အေးရိုးဗစ်အကဖြင့် သရုပ်ပြသခြင်းနှင့် Myanmar Fitness Dance ဖြင့် သရုပ်ပြကြကြောင်းသိရသည်။
ဇွဲထက်ကို(ပြန်/ဆက်)