မှော်ဘီစာနယ်ဇင်း ဘိုးဘွားများ စောင့်ရှောက်ရေး ဂေဟာသို့ စာနယ်ဇင်းဝန်ထမ်းဟောင်းများအဖွဲ့ အာဟာရဒါနလှူဒါန်း

  ရန်ကုန်၊ ဇွန် ၂၀

ခိုကိုးရာမဲ့ စာနယ်ဇင်းသမားကြီးများကို စောင့်ရှောက်ပေးနေသော မှော်ဘီဘိုးဘွားများ စောင့်ရှောက်ရေးဂေဟာရှိ ဘိုးဘွား ၂၁ ဦး အတွက် အာဟာရဒါန အလှူငွေကျပ် တစ်သိန်းကို ဇွန် ၁၉ ရက်က သတင်းနှင့်စာနယ်ဇင်း ဝန်ထမ်းဟောင်းများ အသင်းဥက္ကဋ္ဌ ဦးမြင့်ဆွေ (ကြေးမှုံအယ်ဒီတာချူပ် - ငြိမ်း) နှင့် အလုပ်အမူဆောင်များက၊ မှော်ဘီ ဘိုးဘွားများ စောင့်ရှောက်ရေးဂေဟာဧည့်ခန်းမသို့ လာရောက်လှူ ဒါန်းကြရာ၊ ဂေဟာစတင်တည်ထောင်သူ ဂေဟာအုပ်ချုပ်ရေးအဖွဲ့ ဥက္ကဋ္ဌ ဦးနေလင်း( စာရေးဆရာ မောင်ချိုဝေ)ကလက်ခံ ရယူကြောင်း သိရသည်။

ထိုအပြင် သတင်းနှင့် စာနယ်ဇင်းဝန်ထမ်းဟောင်းများ အသင်း အနေ ဖြင့် မှော်ဘီဘိုးဘွားများစောင့်ရှောက်ရေး ဂေဟာသို့ တစ်လလျှင် ငွေကျပ်တစ်သိန်းနှုန်းဖြင့် လစဉ် လှူဒါန်းသွားမည်ဖြစ်ကြောင်း သိရ သည်။    အောင်မြင့်ဌေး(မြို့တော်သတင်း)