ကျပ်တစ်ဘီလီယံကျော်တန်ဖိုးရှိ ဘိန်းဖြူများ ဖမ်းမိ

ရန်ကုန်၊   ဇွန်   ၂၀

စစ်ကိုင်းတိုင်းဒေသကြီး၊ မုံရွာမြို့ တွင် ငွေကျပ်၁ဘီလီယံကျော်တန်ဖိုးရှိ ဘိန်းဖြူ ၂၁ ဒသမ ၇၈ ကီလို ဖမ်းဆီးရမိ ကြောင်း သိရသည်။

ရဲတပ်ဖွဲ့ဝင်များပါဝင်သော ပူးပေါင်း အဖွဲ့သည် ဇွန် ၁၄ ရက် ညနေ ၃ နာရီခွဲ အချိန် စစ်ကိုင်းတိုင်းဒေသကြီး၊ မုံရွာမြို့၊ အမြန်ရေယာဉ်ဆိပ်အနီးတွင်၊ ဇော်မျိုးဝင်း (ခ) ဖိုးပြား မောင်းနှင်ပြီး နောင်နောင် (ခ) မြင့်နောင် လိုက်ပါလာသည့် SU -ZUKI မော်တော်ယာဉ်ကို သတင်းအရ ရှာဖွေရာ၊ ယာဉ်ပေါ်မှဒေသကာလ တန်ဖိုးငွေကျပ် ၁ ဘီလီယံကျော်  တန်ဖိုးရှိ ဘိန်းဖြူ ၂၁ ဒသမ ၇၈ ကီလို  သိမ်းဆည်းရမိခဲ့ကြောင်း သိရသည်။

စစ်ဆေးဖော်ထုတ်ချက်အရ သိမ်း ဆည်းရမိဘိန်းဖြူများကို စစ်ကိုင်းတိုင်း ဒေသကြီး၊ မုံရွာမြို့မှ ဟုမ္မလင်းမြို့သို့ သယ်ဆောင်ခြင်းဖြစ်ကြောင်း၊ ၎င်းတို့ ကိုဥပဒေအရအရေးယူပြီး ကွင်းဆက် ပြစ်မှုကျူးလွန်သူများအား ဆက်လက် စစ်ဆေးဖော်ထုတ်လျက်ရှိသည်။

AKO