ကမ္ဘာ့ရေနံဝယ်လိုအား ပြန်လည်မြင့်တက်ရန် ရှိနေ
ဘရပ်ဆဲလ်၊ မေ ၂၅
အမေရိကန်တွင် ခရီးသွားရာသီ ပြန်လည်စတင်လာပြီး တရုတ်ရှန်ဟိုင်း တွင်လည်း ကိုဗစ်-၁၉ ဆိုင်ရာကန့် သတ်ချက်များ အနည်းငယ်ပြန်လည် ဖြေလျှော့မှုကြောင့် ကမ္ဘာ့ရေနံ ဝယ်လို အားပြန်လည် မြင့်တက်လာနိုင်ချေရှိ ကြောင်း ရေနံကုန်သည်များကဆိုသည်။
ဘရင့်ရေနံစိမ်းကို နိုင်ငံတကာ အညွှန်းကိန်းတွင် တစ်စည်လျှင်ကန် ဒေါ်လာ ၁၁၁ ဒသမ ၁၇ ဒေါ်လာနှင့် ရောင်းချနေခြင်းဖြစ်ပြီး အဆိုပါစျေး သည် ယခင်အပတ်ထက် ၁ ဒသမ ၀၇ ရာခိုင်နှုန်း မြင့်တက်လာကာ ယခင်ရက် သတ္တပတ်တွင် ဘရင့်ရေနံစိမ်းစျေးကို ၁၀၉ ဒသမ ၉၉ ဒေါ်လာနှင့် စျေးဖြတ်ခဲ့ ခြင်းဖြစ်သည်။
ယခုကဲ့သို့ ရေနံစျေးအနည်းငယ် မြင့်တက်လာခြင်းသည် တရုတ်၏ရေနံ ဝယ်လိုအားကြောင့်ဖြစ်ပြီး တရုတ်သည် ကမ္ဘာတွင် ရေနံအများဆုံးတင်သွင်း သည့်နိုင်ငံဖြစ်ကာ မကြာမီ ရှန်ဟိုင်း ကို ကိုဗစ်-၁၉ ကန့်သတ်ချက်များ ဖြေလျှော့မည်ဆိုသည့် ခန့်မှန်းချက် များကြောင့် ရေနံစျေးများ မြင့်တက်လာ ခြင်းဖြစ်သည်။
အမေရိကန်တွင်မူ Driving season ဟုခေါ်သည့် ခရီးသွားရာသီ မကြာမီ စတင်မည်ဖြစ်ရာ ဇွန်မှစက်တင်ဘာ အထိစက်သုံးဆီစျေးများ အနည်းငယ် မြင့်တက်လာနိုင်မည်ဟု ယူဆရသည်။
(ref: BBC)
