ဘန်ကောက်၊ မေ ၂၃
ထိုင်းနိုင်ငံအတွင်း သတ်မှတ် ဇုန် ၃၁ ခုတွင် ဘားများ၊ ကာရာအိုကေဆိုင်များ၊ အနှိပ်ခန်းများ အပါအဝင် လူစုလူဝေးနှင့် စီးပွားရေးလုပ်ငန်းများကို လာမည့် ဇွန် တစ်ရက်မှစ၍ လွတ်လပ်စွာ ဖွင့်လှစ်ခွင့် ပြုသွားမည်ဖြစ်ကြောင်း ကိုဗစ် -၁၉ ရောဂါအခြေအနေ စီမံကြီးကြပ်ရေး စင်တာက ပြောသည်။
မှတ်ပုံတင်ထားသည့် အရက်ဘား များ၊ ကာရာအိုကေဆိုင်များနှင့် အနှိပ်ခန်း များအနေဖြင့် သက်ဆိုင်ရာ ဒေသတွင်း ရောဂါကူးစက်မှုဆိုင်ရာ ကော်မတီထံမှ ခွင့်ပြုချက်ရပြီးသည်နှင့် ဖွင့်လှစ်နိုင်မည် ဖြစ်ပြီး အရက်သေစာသောက်စားရောင်း ချမှုကို ည ၁၂ နာရီထိသာ ရောင်းချရ မည်ဖြစ်ကြောင်း သတ်မှတ်ထားသည်။
သောက်သုံးသူများအနေဖြင့် ကိုဗစ် စည်းကမ်းများကို လိုက်နာရမည်ဖြစ်သော ကြောင့်အချင်းချင်း ခွက်လဲလှယ်သောက် သုံးခြင်းများ အပါအဝင် ကိုဗစ်-၁၉ ရောဂါ စောင့်ကြပ်ထိန်းချုပ်ရေးစည်းကမ်းချက် များကိုလိုက်နာ၍ သောက်သုံးရမည်ဖြစ် သည်။
ထို့ပြင် ဝန်ဆောင်မှုပေးသူများအပါ အဝင်အဆိုတော်များ၊ ဂီတသမားများ သည်လည်း ကိုဗစ်-၁၉ ရောဂါကာကွယ် ဆေးအပြည့်အဝ ထိုးနှံပြီးဖြစ်ရမည့်အပြင် အပတ်စဉ် Antigen Test များနှင့် စစ်ဆေး ရမည်ဖြစ်သည်။ (ref: Bangkok Post)