ရန်ကုန် ဧပြီ ၁၂
မြန်မာ့ရိုးရာ မဟာသင်္ကြန် ပွဲတော်ကာလအတွင်း ရွှေတိဂုံ စေတီတော်မြတ်ကြီးကို ပုံမှန် အချိန်အတိုင်း ဖွင့်လှစ်ပေးထား မည်ဖြစ်ကြောင်း ရွှေတိဂုံစေတီ တော်ဂေါပကအဖွဲ့ထံက သိရ သည်။
သင်္ကြန်ရုံးပိတ်ရက် ကာလ အတွင်း ဘုရားဖူးချိန်ကို ပုံမှန် အတိုင်း ဆက်လက်ဖွင့်လှစ် ထားမည်ဖြစ်ပြီး ကိုဗစ်-၁၉ ရောဂါကာကွယ်ရေးစည်းကမ်း ချက်များနှင့်အညီ လာရောက် ဖူးမြော်နိုင်သည်။ ပြီးခဲ့သည့် နှစ်ကုန်ပိုင်းကစပြီး ရွှေတိဂုံ စေတီတော်ကြီးကို နံနက် ၅ နာရီမှ ညနေ ၆ နာရီအထိ ဖွင့်လှစ်ပေးထားပြီး စနေ၊ တနင်္ဂနွေနှင့်အများပြည်သူ ရုံးပိတ်ရက် (အစိုးရရုံးပိတ်ရက်) တို့တွင် ည ၇ နာရီအထိ အချိန် တိုးမြှင့်ဖွင့်လှစ်ပေးထားပြီး မတ် ၂၆ ရက်က စတင်ကာ ရွှေတိဂုံစေတီတော်မြတ်ကြီးကို ဘုရားဖူးအများပြည်သူများ စိတ်အေးချမ်းသာစွာ ဖူးမြော် ကြည်ညိုနိုင်ရန် နေ့စဉ် နံနက် ၅ နာရီမှ ည ၈ နာရီအထိ အချိန် တိုးမြှင့်ဖွင့်လှစ်ထားကြောင်း သိရသည်။ CN-014