ဝယ်လင်တန်၊ ဇန်နဝါရီ ၂၅
မကြာမီ ရက်ပိုင်းအတွင်း မင်္ဂလာ ဆောင်ရန် စီစဉ်ထားသည့် နယူးဇီလန် ဝန်ကြီးချုပ် ဂျေဆင်ဒါအာဒန်အနေဖြင့် သူမ၏ မင်္ဂလာဆောင်ပွဲကို သတ်မှတ် ထားသည့်အချိန်တွင် ပြုလုပ်နိုင်မည် မဟုတ်ကြောင်း ဇန်နဝါရီ ၂၄ ရက်တွင် မီဒီယာများသို့ ပြောကြားလိုက်သည်။
အိုမီခရွန် ပြန်လည်ပြန့်ပွားမှုကြောင့် နယူးဇီလန်တွင် ကိုဗစ်-၁၉ ဆိုင်ရာ တင်းကျပ်သည့် ကန့်သတ်မှုများပြန် လည်ချမှတ်မည်ဖြစ်ပြီး ထိုကန့်သတ် ချက်များတွင် ကာကွယ်ဆေးထိုးပြီးသူ များ စုဝေးခွင့်ကို အယောက် ၁၀၀ အထိ သာ ကန့်သတ် သတ်မှတ်ထားခြင်းများ လည်း ပါဝင်ကြောင်း သိရသည်။
လက်ရှိအချိန်ထိ နယူးဇီလန်နိုင်ငံ တွင် ကိုဗစ်-၁၉ ကူးစက်ခံထားရသူပေါင်း ၁၅၁၀၄ ဦးရှိပြီး သေဆုံးသူ ၅၂ ဦး ရှိနေ ပြီဖြစ်သည်။ နယူးဇီလန်နိုင်ငံသည် ကိုဗစ်-၁၉ စတင်ဖြစ်ပွားချိန်မှစပြီး တင်း ကျပ်သော ကန့်သတ်ချက်များကိုချ မှတ်ကာ ကိုဗစ်-၁၉ ပြန့်ပွားမှုကို ထိ ရောက်စွာ ထိန်းချုပ်နိုင်ခဲ့သော နိုင်ငံ တစ်နိုင်ငံဖြစ်ပြီး ကိုဗစ်-၁၉ စတင်ဖြစ် ပွားပြီးနောက် နိုင်ငံတကာနှင့် ထိတွေ့ ခွင့်ကိုပိတ်ပင်တားမြစ်ခဲ့သော ပထမဆုံး နိုင်ငံလည်း ဖြစ်သည်။
နယူးဇီလန်နိုင်ငံတွင် အသက် ၁၂ နှစ်အထက် လူဦးရေ ၉၄ ရာခိုင်နှုန်းသည် ကိုဗစ်-၁၉ ကာကွယ်ဆေးထိုးနှံပြီးသူများဖြစ်ပြီး ၅၆ ရာခိုင်နှုန်းခန့်သည် ကာကွယ်ဆေး တတိယအကြိမ် ထိုးနှံပြီး သူများဖြစ်ကြောင်း သိရသည်။
(Ref:BBC)