ဗန်ကောက် ဇန်နဝါရီ ၂၃
ထိုင်းနိုင်ငံတွင် လာမည့် ဖေဖော်ဝါရီ လမှစ၍ ကာကွယ်ဆေးအပြည့်အဝထိုးနှံထားသည့် ခရီးသွားဧည့်သည်များကို ကွာရန်တင်း ကင်းလွတ်ခွင့်ပြန်လည် စတင်မည်ဖြစ်ကြောင်း ကြေညာလိုက် သည်။
ထိုင်းတွင် ကွာရန်တင်းကင်းလွတ် ခွင့်ကို ကြေညာ ထားသော်လည်း အိုမီခရွန် (Omicron) မျိုးရိုးဗီဇပြောင်း ဗိုင်းရပ်စ်နှင့်ဆက်စပ်သော ကိုဗစ် ရောဂါများ လျင်မြန်စွာပျံ့နှံ့လာခြင်း ကြောင့် ကြေညာပြီး သီတင်းပတ် ၇ ပတ်အကြာတွင် ကြေညာချက်ကို ယာယီဆိုင်းငံ့ထားခဲ့ခြင်းဖြစ်သည်။
ဖေဖော်ဝါရီ ၁ ရက်မှစ၍ ကာကွယ် ဆေးအပြည့်အဝထိုးနှံထားသော ခရီး သွားဧည့်သည်များအနေဖြင့် ထိုင်းနိုင်ငံ သို့ရောက်ရှိပြီး ပထမဆုံးနေ့နှင့် ငါးရက်မြောက်နေ့များတွင် RT-PCR စစ်ဆေးမှုဆောင်ရွက်ကာ ကွာရန်တင်း လိုအပ်ချက်များမရှိတော့ဘဲ ဝင်ရောက် နိုင်ပြီဖြစ်ကြောင်း ကိုဗစ်ရောဂါ အခြေ အနေ စီမံခန့်ခွဲမှုစင်တာ၏ ပြောခွင့်ရ ပုဂ္ဂိုလ် Taweesin Visanuyothin က ပြောကြားသည်။
လက်ရှိ ထိုင်းနိုင်ငံတွင် ရောဂါ ကူးစက်မှုများ ထိန်းချုပ်နိုင်သောအဆင့် သို့ရောက်ရှိလာခြင်းကြောင့် ရောဂါ ကူးစက်မှုလမ်းကြောင်းကို တည်ငြိမ် စွာထိန်းထားလျက် ရှေ့ဆက်သွားနိုင် ရန်မျှော်မှန်းထားကြောင်း ၎င်းက ပြော သည်။ ထိုင်းနိုင်ငံရှိ လူဦးရေ သန်း ၇၀ နီးပါး၏ ၆၆ ဒသမ ၄ ရာခိုင်နှုန်းမှာ ကာကွယ်ဆေး အပြည့်အဝထိုးနှံပြီးဖြစ် ကြောင်းနှင့် ၁၅ ဒသမ ၃ ရာခိုင်နှုန်းမှာ အားဖြည့်ကာကွယ်ဆေး ထိုးနှံပြီးဖြစ် သည်။ (Ref:BBC)