အားဖြည့်ကာကွယ်ဆေးများသည် ဗီဇပြောင်း ကိုဗစ်ပိုးအတွက် လုံလောက်ခြင်းမရှိ

ဂျီနီဗာ၊  ဇန်နဝါရီ  ၁၃

ကိုဗစ် အားဖြည့်ကာကွယ်ဆေး များသည် အိုမီခရွန် အပါအဝင် ထပ်မံ ပေါ်ထွက်လာသော  မျိုးဗီဇပြောင်းကိုရိုနာ ဗိုင်းရပ်စ်ပိုးသစ်များအတွက် လုံလောက် ခြင်းမရှိကြောင်း WHO က ထုတ်ပြန် သည်။ ထို့ကြောင့် လက်ရှိ ကိုဗစ်-၁၉ ကာကွယ်ဆေးများကို အဆင့် မြှင့်တင် ရဖွယ်ရှိကြောင်း ကမ္ဘာ့ကျန်းမာ ရေးအဖွဲ့ (WHO) က အသိပေးပြောကြားထာ းသည်။ 

လက်ရှိကာကွယ်ဆေးများသည် မျိုး ဗီဇပြောင်းဗိုင်းရပ်စ်များမှ တဆင့်ဖြစ်ပေါ် လာသော ရောဂါပြင်းထန်မှုနှင့် သေဆုံး မှုတို့အတွက် အဆင့်မြင့် ကာကွယ်ဆေး အဖြစ်  ပံ့ပိုးပေးနိုင်သော်လည်း ရောဂါ ကူးစက်ပျံ့နှံ့မှုကို ကာကွယ်နိုင်ရန် ကာ ကွယ်ဆေးများ ထပ်မံလိုအပ်နေသေး ကြောင်း ကျွမ်းကျင်ပညာရှင် ၁၈ ဦး ပါဝင် သော WHO ၏ ကိုဗစ် -၁၉ ကာကွယ်ဆေး ပေါင်းစပ်ဖွဲ့စည်းမှုဆိုင်ရာ နည်းပညာ အကြံပေးအဖွဲ့က ပြောကြားသည်။ 

ကျွမ်းကျင်ပညာရှင်များ၏ ပြော ကြားချက်အရ ကိုဗစ်-၁၉ ကာကွယ်ဆေး ထုတ်လုပ်သူများကို အိုမီခရွန် အထူးပြု ကာကွယ်ဆေးများ၏ လုပ်ဆောင်ချက် ဆိုင်ရာအချက်အလက်များ ပံ့ပိုးရန်၊ ကာကွယ်ဆေး ပေါင်းစပ်မှုအတွက် ဆုံး ဖြတ်ရာတွင် ကူညီရန် တိုက်တွန်းထား ကြောင်း သိရသည်။  ထို့ပြင် လက်ရှိ ကိုဗစ်ကာကွယ်ဆေးများ ကမ္ဘာတစ်ဝန်း ကျယ်ကျယ်ပြန့်ပြန့်ရရှိရန်မှာ အရေးကြီး ကြောင်း ကျွမ်းကျင်ပညာရှင်များက အလေးထား ပြောကြားသည်။  

(Ref:BBC)