ဒေါပုံ စံပြ ၂ လမ်း နေအိမ်တိုက်ခန်း မီးလောင်မှုဖြစ်
ရန်ကုန်၊ ဇန်နဝါရီ ၁၉
ဒေါပုံမြို့နယ် ယမုံနာ-၂ရပ်ကွက် စံပြ ၂ လမ်းရှိအမှတ် ၁၄၉၊ ၆ ထပ်တိုက်၊ ၅ လွှာခြေရင်း နေအိမ်ခန်းတွင် ယမန်နေ့ ည ၈ နာရီ ၃၅ မိနစ်ခန့်က မီးလောင်မှုဖြစ်ပွားရာ ဒေါပုံနှင့် သာကေတမြို့နယ် မီးသတ်စခန်းများက မီးသတ်ယာဉ်ငါးစီး သွားရောက်ငြှိမ်းသတ်ရာ ည ၈ နာရီ ၅၅ မိနစ်ခန့်တွင် မီးငြိမ်းသွားသည်။
ဖြစ်စဉ်မှာ ဒေါ်ယွန်းသီရိကျော်၊ ၂၅ နှစ်၊ ဘ ဦးကျော်ကျော်လင်းသည် လျှပ်စစ်မီးပျက်နေစဉ် မီးခလုတ် များပိတ်ရန်မေ့လျော့ရာမှ လျှပ်စစ်မီးပြန်လာသောအခါ အပူလွန်ကဲ၍ ဝါယာရှော့ခ် ဖြစ်ကာလောင်ကျွမ်းခြင်းဖြစ်ကြောင်းသိရသည်။
ကျော်သူထက်
