ဝါရှင်တန် ဒီဇင်ဘာ ၁၂
ဗီဇပြောင်း အိုမီခရွန်ပိုးပျံ့နှံ့ ကူးစက် နေသည့် အမေရိကန်ပြည်ထောင်စု တွင် အသက် ၁၆ နှစ်နှင့် ၁၇ နှစ်အရွယ် ဆယ်ကျော်သက်များကို ကိုဗစ် အားဖြည့်ဆေးထိုးရန် အမေရိကန် ဆေးဝါးနှင့် အစားအသောက်ဆိုင်ရာ ကွပ်ကွဲရေး (FDA) ဌာနက ခွင့်ပြုချက် ပေးလိုက်ပြီဖြစ်သည်။
အမေရိကန် ပြည်ထောင်စုတွင် အသက် ၅ နှစ်အရွယ်မှစ၍ ကလေးငယ် များကို ကိုဗစ်ကာကွယ်ဆေးထိုးရန် ခွင့်ပြုထားသော်လည်း ၅ နှစ်မှ ၁၆ နှစ်ကြား ကလေးများအနေဖြင့် အားဖြည့်ကိုဗစ် ကာကွယ်ဆေးထိုးရန် တာဝန်ရှိသူများက ခွင့်ပြုထားခြင်း မရှိကြောင်း သိရသည်။
သို့ရာတွင် ကိုဗစ်ကာကွယ်ဆေး များသည် လုံခြုံပြီးထိရောက်သည့် အတွက် ဆယ်ကျော်သက်အရွယ် ၁၆ နှစ်နှင့် ၁၇ နှစ်အရွယ်များကို Pfizer အားဖြည့် ကိုဗစ်ကာကွယ်ဆေးထိုးကြ ရန် FDA က တိုက်တွန်းထားသည်။
ယင်းကို ရောဂါကာကွယ်ထိန်းချုပ် ရေးဌာန (CDC) ကလည်း အကြံပြု ခွင့်ပြုချက်ထုတ်ပြန်ခဲ့ပြီး အိုမီခရွန်ပိုး သစ်နှင့်ပတ်သက်၍ ကနဦးလေ့လာ ချက်များအရ အားဖြည့်ကိုဗစ် ကာကွယ်ဆေးများသည် အိုမီခရွန်နှင့် အခြားကိုဗစ်ရောဂါပိုးများကို ပိုပြီး အကာအကွယ်ပေးနိုင်ကြောင်း CDC ဌာနညွှန်ကြာရေးမှူး Dr. Rochelle Walensky က ပြောသည်။
အမေရိကန်တွင် အိုမီခရွန် ပိုးသစ်ကူးစက်သည့် ပြည်နယ်များ များလာသည့်အတွက် ပြည်သူများကို ကိုဗစ်အားဖြည့်ကာကွယ်ဆေး ထိုးကြ ရန်တာဝန်ရှိသူများနှင့် ကျန်းမာရေး ပညာရှင်များက တိုက်တွန်းနေကြ သည်။
(ref:AFP)