ရန်ကုန်၊ ဒီဇင်ဘာ ၁၀
မန္တလေးတိုင်းဒေသကြီး၊ ဝမ်းတွင်း မြို့နယ်၌ အကြမ်းဖက်လက်နက်ကိုင် အဖွဲ့များက လမ်းပန်းဆက်သွယ်မှု ပြတ်တောက်စေရန် ရည်ရွယ်၍ ရထား သံလမ်းအား ယမန်နေ့ နံနက်ပိုင်းက မိုင်း ထောင်ဖောက်ခွဲဖျက်ဆီးလိုက်သည်။
ဖြစ်စဉ်မှာ မန္တလေးတိုင်းဒေသကြီး၊ ဝမ်းတွင်းမြို့နယ်၊ ထန်းပင်ကုန်း ကျေးရွာ အနီးရှိ ရန်ကုန်-မန္တလေး မီးရထားလမ်း တံတားအမှတ် ၆၉၁ အနီး သပြေတောင်းဘူတာနှင့် စမုံဘူတာ ကြား ၌ ရထားလမ်းအား အကြမ်းဖက် လက်နက်ကိုင်အဖွဲ့ (စိစစ်ဆဲ)က မိုင်းထောင်၍ ဖောက်ခွဲ ဖျက်ဆီးကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ မိုင်းပေါက်ကွဲ မှုကြောင့် အဆိုပါရထားသံလမ်း နှစ်ပေ ခန့်ပျက်စီးခဲ့ကာ ရထားသွားလာမှု ပြတ်တောက်လျက်ရှိပြီး သက်ဆိုင်ရာ တာဝန်ရှိသူများက အမြန်ပြန်လည် ပြုပြင်နိုင်ရေး ဆက်လက်ဆောင်ရွက် လျက်ရှိသည်။ ဆွေဦး