ဂျကာတာ ဒီဇင်ဘာ ၆
အင်ဒိုနီးရှားနိုင်ငံတွင် စနေနေ့က ပေါက်ကွဲခဲ့သော ဆီမာရူး(Semeru) မီးတောင်ကြောင့် လူတစ်ဦးသေဆုံးပြီး ၄၁ ဦးဒဏ်ရာရရှိခဲ့ကြောင်း ဒီဇင်ဘာ ၅ ရက်ကပြုလုပ်သော သတင်းစာ ရှင်းလင်းပွဲတွင် ပြောကြားသည်။
အဆိုပါ မီးတောင်မှ မီးခိုးများနှင့် ပြာမှုန်များသည် ရွာများကို ဖုံးလွှမ်းသွား ခဲ့သဖြင့် ရွာသားများမှာ ဘေးလွတ်ရာ သို့ထွက်ပြေးခဲ့ရကြောင်း သိရသည်။
အာဏာပိုင်များက မျှဝေသည့် ဗီဒီယိုများနှင့် ဒေသဆိုင်ရာသတင်း ချန်နယ်များက ထုတ်လွှင့်သည့်ဗီဒီယို များတွင် အရှေ့ဘက်ဂျာဗားပြည်နယ်ရှိ မီးတောင်မှ မီးခိုးများနှင့် ပြာမှုန်များ ထုထည်ကြီးမားစွာ ထွက်လာစဉ် လူများပြေးလွှားနေသည်ကို ပြသသွား သည်။
မိသားစု ၄၀၀ ခန့်ကို နီးစပ်ရာဒေသ များမှ ပြောင်းရွှေ့ခဲ့ကြရပြီး ကယ်ဆယ် ရေးသမားများရောက်ရန် ခက်ခဲသော နေရာများတွင် အနည်းဆုံး လူ ၁၀ ဦး ပိတ်မိနေသေးကြောင်း ပြောသည်။ အင်ဒိုနီးရှား သဘာဝဘေးလျော့ပါး သက်သာရေးအေဂျင်စီ (BNPB) ၏ ပြောကြားချက်အရ မီးတောင်ဘေးမှ ရွှေ့ပြောင်းလာရသူများအတွက် စခန်း များဖွင့်လှစ်ထားကြောင်း သိရသည်။
(ref:BBC)