မန္တလေး ဒီဇင်ဘာ ၅
မန္တလေးတိုင်းဒေသကြီး မီးသတ် ဦးစီးဌာနမှ စက်ရုံများမီးဘေးကာကွယ် ရေးအတွက် ဆောင်ရွက်လျက်ရှိရာ ဒီဇင်ဘာ ၃ ရက်က တိုင်းဒေသကြီး မီးသတ်ဦးစီးဌာနညွှန်ကြားရေးမှူး၊ ဒုတိယတိုင်းဒေသကြီး မီးသတ်ဦးစီးမှူးဒုတိယညွှန်ကြားရေးမှူး ၊ မန္တလေးခရိုင် မီးသတ်ဦးစီးမှူးလက်ထောက်ညွှန် ကြားရေးမှူး၊ ပြည်ကြီးတံခွန်မြို့နယ် မီးသတ်ဦးစီးမှူးတို့သည် ပြည်ကြီးတံခွန် မြို့နယ် စက်မှုဇုန်ရှိ E-Lan ဆပ်ပြာမှုန့် စက်ရုံ၊ စပါးနှံတာယာစက်ရုံနှင့် ရွှေမြင်းပျံအရက်ချက်စက်ရုံအား မီးဘေးကာကွယ်ရေးအတွက် ဟောင်း နွမ်းဝါယာကြိုးများ တပ်ဆင်ထားမှုမရှိ စေရေး၊ မီးလောင်လွယ်သောအမှိုက် များစုပုံမထားရှိရေးအတွက် စက်ရုံ အတွင်း ကွင်းဆင်းစစ်ဆေးရာ စက်ရုံမှူးများကမီးဘေးကြိုတင်ကာကွယ် ရေး ဆောင်ရွက်မှုများကို ရှင်းလင်း ပြသကြသည်။
ထိုနောက် စက်ရုံများအတွင်း မီးဘေးကာကွယ်ရေးအရေးပေါ်မီးသတ် ဆေးဘူးများနှင့်မီးသတ်ရေကန်၊ ရေပိုက်များ တပ်ဆင်ထားမှုများကြည့်ရှု စစ်ဆေးသည်။
မောင်ပြည်သူ(မန္တလေး)